بسم الله الرحمن الرحيم
النهارده هاقولكم طريقه تفريز الكسبره الخضراء والبقدونس ولو عندك شبت ينفع برضه
كان عندي كمية خضره و حطيتها في علبه بلاستيك لها غطاء فالثلاجه وكنت قافله عليها كويس وكل ما احتاج منها باخد واقفل تاني الطريقه دي بتخليها خضره ذي الطاذه ذي ما هي بس لفترة اسبوع (مجرباها طاذه بالظبط ) وبعد الاسبوع ده هتبدي يبان عليها بقي انها تتغير
انا بقي ولاني عارفه ومجربه
كل شويه كنت ابص عالخضره ووشها اخضر وحلو كده.. اقول اه انا لازم استفيد منك قبل ما تقلبي عالوش التاني
روحت جيبت الخضره عملتها وفرزتها بالطريقه دي سهله جداا ومش هتاخد منك وقت خالص ولما تحتاجيها هاتلاقيها ولو حتي بعد شهرين وهتدوقيها في طبيخك وفالمحشي ذي الطاذه بالظبط
الطريقه بالصور
الخضره دي كان ليها اسبوع عندي طلعتها من العلبه غسلتها كويس ولفيتها في فوطه تشرب ميتها
وبعدين قطعت منها الورق بالشكل ده
كانت كده
تجيبي كيسين حجمهم مناسب وبكرة خيط
تدخلي الخضره جوه الكيس وتطلعي منه الهوا وتقطعي فتله طويله و تربطي من فوق وتنزلي عالكيس بالفتله وتلفي علي قد كميه الخضرة اللي انتي هاتحتاجيها في كل طبخه علشان لما تحطيها فالفريزر تبقي سهله عليكي يادوب تفتحي الكيس من فوق وتاخد علي قد ما نتي حددتي بالفتله وبعدها تشيليه تاني فالفريزر ومربوط برضه
ودي لو عايزة تحطي كميه تكفي تعملي محشي ولا حاجه
اهم شئ بقي انك لما تيجي تستعملي من الخلطه دي تطلعيه من الفريزر عالحله علطول وهي متجمده
ما تسيبهاش تفك اوعي يا فتوكه تخليها تفك لو فكت هتبقي سوده ومنظرها مش حلو
انا جربتها اكثر من مرة طعمها ولا يفرق عن الطاذه ابدا وبكده تقدري تستغلي الخضره اللي عندك قبل ما تبوظ منك وتستعميليها وقت ما تحبي
ما تنسوش التقييم والدعوه الحلوه يا عسولات مواضيع هذا القسم برعاية
التفاح الاخضر. التفاح الاخضر. 955004_6.gif فتكات رائعة Fatakat 955004 ارض الله الواسعه – مصر