السلام عليكم ورحمه الله وبركاته
ازيكم يا احلى بنات على فتكات
انهارده جايبالكم طريقه اللنشون فى البيت لانشون اللحمه والدجاج
طبعا مش اول واحده انزل موضوع اللنشون بس حبيت اشاركم
وافيد على قد ما اقدر احب بس الاول اشكر الفتوكه جرمين احمد
لانى اول طريقه عرفتها طرقتها جزاها الله عنا خيرا ويارب اقدر افيكم يابنات
المقادير
3قطع جبنه مثلثات
3فصوص ثوم
3حبوب حبهان
3بيضات
4معالق دقيق
نص كوب زيت
معلقه صغيره نشا
مكعب مرقه دجاج
رشه دم غزال صغيره اوى
او ببريكا او لون احمر
ملح ورشه فلفل اسمر
واسيبكم مع الصور
ودى صوره مجمعه
الاول هنضرب البيض والجبنه فى الخلاط
هيبقى شكلهم كده
وبعدين الدقيق والنشا
اخر حاجه الزيت ورشه اللون
انا المره دى عملته من غير لون خالص
وبقى عامل زى لنشون الفراخ
وبعدين تدهنى صفيحه سمنه اللى هى كيلو او كوبايه
استانلس انا ماكنش عاندى صفيحه وحطيت فى
الحله دى
وبعدين تجيبى حله اكبر منها تحطى فيها مايه وتحطى
فيها الحله الصغيره وتغطيها زى حمام الميه
وتغطى الحله الكبيره وتسيبهم على البتوجاز
تقريبا ساعه الا ربع لحد ماتحطى سكينه فى
النص وتلاقيه استوى
وده لما استوى بجد جميييييييييل
يارب يعجبكم
ودى مع الزيتون وعلى فكره عملته مره وحطيت
فيه حتت زتون كان جميل بردو الحمدلله
بس دى كاميرا تانيه ههههههه
وده اللى بلون الاحمر وزى لانشون اللحمه
وده اصل الموضوع للقمر (جرمين احمد)
جزاها الله خيرا كثيرا
عملت الانشوووووووووون في البيت والله وبالصوررر
https://fatakat.univanet.com/#2245733
انا عايزه دعوه حلوه ولو بظاهر الغيب
ان ربنا ييسرلى الحال لما هو فيه صلاح
وبحسن الخاتمه لنا جميعا
وان يهدى اولادنا جميعا
وطبعا التقييييييييييييييييييم هههههههه
ويارب اقدى افيد اى حد
بحبكم فى الله
اللهم صل على سيدنا محمد
السلام عليكم ورحمه الله
مواضيع هذا القسم برعاية
jowiria jowiria 221749_5.gif فتكات رائعة Fatakat 221749 فى قلب جوزى والحمدلله 🙂 – بلاد الله واسعه