ازيكم يا حوامل ؟ البطيخه عامله ايه هههههههههههه
جايه احكيلكم على تجربتي عملت السونار الفور دي 4d وكانت احلى تجربه ليا شفت وش ابني حبيبي عسسسل خالص طالع شبهي ماشاء الله عليه . وشفت ايده وهو حاططها على وشه والحبل السري جنبه سبحان الله
وكمان الدكتور قلى هو عنده شعر خفيف على راسه لسه هيتقل …
بيبقى لونه كده ملون مش زي السونار الابيض والاسود لونه كان برتقاني شويه او زي لون الجلد بس اغمق ..ز وكشف عن قلبه وجاب الاذين والبطين باللونين الاحمر والازرق وقلى الحمد لله القلب كويس وقاس عظام المخ والجمجمه
… وقاس طول الساق وقلى هيطلع لا طويل ولا قصير نص نص طوله متوسط وشاف معدته من جوا وقاس دقات القلب وقاس وزنه وشاف العمود الفقري لا قدر الله لو فيه ا تشوهات فيه
والحمد لله كله تمام الدكتور بيقلى انتي ام شاطره عشان بتاخدي بالك من الادويه والفيتامينات واللفوليك والكالسيوم وقلى الفور دي مهم عشان بيكشف عن الثقوب الى فى القلب والام بتقدر تعالجها وهو فى بطنها وبتكشف لاقدر الله ازا الجنين عنده الشفه الارنبيه يا لطيف …
وصحبتي كمان عملته وشافت طابع الحسن فى دقن ابنها ولما اتولد سبحان الله فعلا موجوده فى دقنه زي ماشافتها بالظبط با الفور دي ….. وكمان سالت الدكتور اعمل ثري دي ولا فور دي قلى للاااالالالالا ثري دي لاء الفور دي متطور عنه واوضح وبيجيب الاعضاء الداخليه ….
. اه صحيح وكمان شاف سريان دمه فى الشرايين باللون الاحمر كله ظهر فى الشاشه واداني تقرير مفصل بللي شافه واداني سي دي لكل اللى صوره واداني صوره لابني حبيبي عقبالكم كلكم صحيح انا عملته فى السعوديه بحكم اقامتي فيها
عارفين نسيت اوصفلكم احساسي اول ما شفت وشه يااااااااااااه قلبي دق بسرعه وعنيا دمعت وقمت ضاحكه وقلت للدكتور ابني حبيبي اهو قعد يضحك ههههههههههه عبيطه ماصدقت شفته بجد الى تقدر تعمله متفوتش التجربه الجميله دي وكمان تبقى ذكرى تفرجها لابنها لما يكبر كان ازاى فى بطنك عشان ميزعلكيش ابدا هههههههههههه
Kala Koko Kala Koko فتكات حبوبة Fatakat 615022 طنطا – مصر