علو الهمة …مشكلة حد يحلهالى….

السلام عليكم ورحمة الله وبركاته
كيفكن بنات اتمنى من الله عز وجل ان تكونوا بالف صحة وخير …آمين
عندى مشكلة مع همتى مش عارفة اتصالح معاها ازاى ؟؟
كل مرة ابدا فيها طاعة واقول ان شاء الله هاواظب وهاكون كويسة الاقينى اتلخمت فى العيال والبيت
ولانى ولله الحمد على كل ما يعطينى صاحبة مرض فاوقات كتير بامرض ومش باعرف اعمل حاجة وانا مريضة
عارفة عارفة ان دى مش حجة لان ممكن اصلى وانا قاعدة وممكن اقرا القران برده وانا قاعدة بس والله ساعات بكون مريضة لدرجة انى مش باقدر اسقى نفسى شوية ميه
الحمد لله
بس ارجع واقولكوا ان دى مش حجة
انا عارفة نفسى وان ده شيطان قاعد فوق راسى
نفسى انزلوا
المشكلة بجد هى ان همتى طالعة نزله طالعة نازلة
نفسى تطلع ما تنزلشى وان نزلت تبقى حبة صغيرين
دى حاجة من ناحية تانية قلت خروجى من البيت ترتب عليه قلت الصحبة الصالحة
اختكم واقعة فى بحر فتن والله خايفة انى اغرق وحاسة انى على وشك الغرق فعلا
حاولت انى اخرج اروح اى دار تحفيظ هناك بتكون الاخوات كتير بس اكمنى بروح كل فترة بحس انى غريبة
وببقى زاوية نفسى ومجرد انى الدرس يخلص واشوف دى بتسلم على دى ودى بتكلم دى وانا لوحدى باتطلع اجرى واقول لنفسى دول مكتفيين بصحبة بعض هما مش محتاجينك فى حاجة واحس انى بتدهور
والنت مش دايما بكون موجودة بانتظام ساعات كتير بتواجد على فتراتيعنى انهارده مثلا بقالى اسبوع ما دخلتش على المدونة هنا
بجد انا محتاجة ان همتى تكون اعلى من كدا بس مش عارفة ازاى
وان عرفت ادعولى ربنا يثبتنى ويرزقنى الصحبة الصالحة
ادعولى ان اكون جريئة انى اطلب صحبة اى اخت تتصل بيا تطمن عليا تشجعنى على الطاعات تاخد بايدى لله
ياجماعة انا فى النازل تخيلوا انى بقيت البس عبايات وطرح لف بعد ما كنت ما اعرفشى اخرج غير بالملحفة الواسعة الكبيرة
وساعات كتير بقيت اخرج من غير الجوانتى وما خفى كان اعظم
انا منتقبة وحاسة انى بقيت منظر بس
بس انا نفسى ارجع بالله عليكوا ادعولى
ادعولى كتير انى ربنا يهدينى ويشفينى

أم الغوالى أم الغوالى https://files.fatakat.com/customavatars/avatar542386_4.gif فتكات نشيطة Fatakat https://forums.fatakat.com/member542386 بنها – القليوبية

لقراءة ردود و اجابات الأعضاء على هذا الموضوع اضغط هناسبحان الله و بحمده

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.