ازيكم يا فتوكاتى وحشتونى اووى عاملين ايه فى البرد والمطر ده
الشتاء جاى السنه ده متعافى علينا اووى المهم عملت عدس علشان ندفى شويه وقلت ادفيكم معايا
المقادير
نص كيلو عدس اصفر
بصلتين كبار مقطعين
جزرتين مقطعيين
3 ملاعق توم
بطاطسايه مقطعه
فلفلايه رومى مقطعه
فلفلايه حاميه مقطعه
2 طماطم مقعيين
3 ملاعق كبار صلصه طماطم
شوربه فراخ او بط او رومى او كوارع الى موجود
معلقه سمن او ليه بتاعه الخروف بتبقى روعه مع العدس
للتقليه
توم
سمن
كسبره ناشفه
التوابل
ملح وفلفل وبهارات وشطه
الطريقه سهله اووى
هنحط كل المقادير مع بعض
ونحط معلقه السمن على النار تسخن واما تسخن ننزل بكل المقادير تتشوح شويه فى معلقه السمن لغايه ما نحس انها سخنت
اما تسخن مع بعضها نضيف ليها صلصه الطماطم ونقلب
وبعدين نضيف الشوربه
هنا اما ابتدت تغلى
وهنا بعد ما العدس وباقى المكونات استوت كويس اووى
هنستنى يهدى شويه ونضربه فى الخلاط كويس
نرجعه فى الحله تانى ونضيف التوابل ونقلب وده لونه شايفيين اللون هو ده لون العدس السليم والتحفه فى ناس بيعملوه بيبقى لونه مصفر وده لان اساسا العدس اما بيستوى بيتحول للون الاصفر والى بيعمله اللون الحلو ده الجزر والطماطم والصلصه
لغايه الخطوه ده عندك كذا اتيار اما انه يكون خلص كده ويتاكل كشوربه
واما انه يتحمره شعريه وتتضاف عليه واما تستوى يبقى جاهز وده بيتاكل بالعيش
واما انه تجهزى عيش محمص ويتسقى بيه وتبقى فته عدس
واما انه تعملى الخطوه الى انا عملتها وهى التقليه بتديله طعم روعه ومختلف
هنحط السمن على التوم على شويه كسبره صغيريين مش كتير
ونحمرهم
واما يتحمروا نضيفهم على العدس
وكده يبقى جاهز وبيتاكل مع العيش والبصل
وجوزى بيحب البصل الاحمر المقطع وعليه خل
وده ليكم يا فتوكات علشان تدفوا شويه
يا رب يا بنات يكون عجبكم وبجد كان طعمه روعه وريحته قلبت الدنيا
ومتنسوش الردود والتقييم بالله عليكم
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى