السلام عليكم ورحمة الله وبركاتة
بداية دى كانت عزومة لاهل زوجى وهم ماشاء الله 12 فرد واسرتى 5 فالمفروض اننا 17 فرد غير طفلين صغننين المهم قعدت قبل العزومة بيومين افكر وافكر…..ثم افكر وافكر….عشان احط خطة لاكل حلو ويملى العين وفى نفس الوقت ما يهدرش منه كتير ويكفى هذة الاسرة الكبيرة ماشاء الله بداية انا رتبت القائمة التى سأقوم باعدادهاوهى كالاتى: لحمة باردة وبذلك يلزم عرق لحم لا يقل عن 3 كيلو او 2.5 على اقل تقدير
وده رابط طريقة عمل اللحمه البارده
اللحمة الباردة (من مطبخى) بناءاً على طلب الجماهير
https://fatakat.univanet.com/#2124700
فراخ مشوية بالفرن بواقع ربع فرخة لكل فرد ربع فرخة فيستلزم عمل 5 فرخات كفتة طرب بنكهة الشواء ويستلزم عمل 2 كيلو لحم مفروم صنيتين جلاش ويلزم لها كيلو جلاش وكيلو لحم مفروم محشى ورق عنب ويلزم له نصف كيلو ورق عنب وربع لحم مفرومة وارز وخضرة وطماطم وانتو عارفين الباقى واعمل سلطة خضراء بواقع كام طبق بسيط والحلو لقمة القاضى(الزلابية) لان زوجى هايجيب طبق حلويات جاهزة والعصائر: عصير مانجة وسفن اب للهضم ولان كمان ابنى طلب منى أرز معمر وفراخ بانية فقلت اعملهم لو الوقت كفى معى ان شاء الله هعمل علشان خاطرة
بصراحة بدأت اجهز للعزومة قبلها بيوم فجبت الفراخ ونظفتها وتبلتها بالبصل والملح والفلفل
والحبهان وتركتها بالثلاجة
وعينتة بعلبة مستطيلة وغلفتة بالبلاستيك عشان ماشاء الله الغطاء مارضيش يقفل وانا مش عاوزة ريحة الثلاجة تتغير وكمان عشان اقلبة كل فترة حتى تأخذ التتبيلة فيه وعملت المحشى وسهرت عليه لغاية 2.30 صباحا وبيته هو كمان بالثلاجة
وعملت العصاج للجلاش كل دا جهزته لوحدى قبل العزومة بيوم والحمد لله
ربنا قدرنى يوم العزومة استيقظت 10 صباحاً واول حاجة عملتها بدأت فى تسوية عرق اللحم حتى يلحق يستوى وفى نفس الوقت يبرد واعرف اقطعة فشوحتة فى صينية من فوق
البوتجاز حتى اصبح لونة غامق
ثم وضعت له القليل من الماء وفنجان خل به ملعقة سكر وغطيتة وتركتة مع نفسة عشان
يستوى
ودخلت بقى راجعت على نظافة الحمامات ( اصل عندى 2 حمام) وروقت الشقة كلها دا
الريسبشن
ودا مدخل الشقة
دا مدخل المطبخ ومدخل الشقة لان المطبخ عندى امريكانى
وبعدين دخلت كملت تجهيز العزومة
الحمد لله دخلت المطبخ تانى بعد ما خلصت كل الشغل الى ورايا فى الشقة وبدأت فى عمل الاكل اوله
عملت طاجين الارز المعمر عشان ابنى ما يزعلشى
الاول نقعت الارز حوالى ربع ساعة فى الماء ثم صفيتة وحطيتة فى طاجين مدهون سمنة
وبعدين غليت اللبن وضيفتة على الارز والكمية 2ونصف كوب ارز وكيلو ونصف لبن وطبق قشطة وضعتة من على الوجة بس بعد ما دخلتها الفرن وتشرب الارز
وجهزت صنيتين الجلاش
وعلقت على الفراخ لحد ما استوت
ثم وضعتهم بصينية ودهنتهم بالصلصة ودخلتهم الفرن يتحمروا
والكفتة صبعتها ودخلتها الفرن مع الفراخ عشان تستوى وتتحمر وجهزت لها فحماية على النار من فوق
وعملت السلطة الخضراء وعملت العصير
يتبع مواضيع هذا القسم برعاية
فتكةجدا فتكةجدا فتكات رائعة Fatakat 61694 بلاد الله – ام الدنيا