انا يافتوكات عملتلكم عجة بيض بس تحفةوالله
طبعا دى اى حد بيعرف اعملها بس قلت انزلهلكم بردوا
عجة بيض من مطبخ ام لى لى واسيل
بسم الله الرحمن الرحيم
انا جبت تلت بطاطسات وقشرتهم بالمقشرة بتاعة البطاطس وطبعا سلقتهم فى حلة فية مية
وبعدين قطعت بصل قطع صغيرة وحطتها فى حلة بيها زيت ولما دبل البصل نزلت باعصير الطماطم هما يدوب تلت ثمرات طماطم وطبعا حطيت ملح وفلفل وكمون وكدا يبقا عندى حاجاتين اتعملوا لبطاطس المسلوقة والتسبيكة اللى ببصل وطماطم وحضرت كم عود كدا من ربطة البقدونس وانا بقيت ياافتوكات ياحلوين اعرف الفرق بنهم ولاول مرة انهاردا لما قرات وصفة فتوكة عسولة بس بجد سورى ليها مش فاكرةهيا مين بس جزاة الله خيرا الست بتاعة الخضار مش مصدقة انى جبتلها الربطة بتاعى الخضار لعندها قالتلى برافو عليكى قتللها دى فتوكة عسولة هيا اللى عرفتنى الفرق بين البقدونس والكزبرة
مش هطول عليكم لان الاكلة مش مستاهلة اصلا وقطعت الكم عود بقدونس دا قطع صغيرة وحطتها فى طبق وجبت خمس بيضات او اربعةونترة كربونات
هرست البطاطس بالهراسة طبعا وعليها التسبيكة وكمان البيض والخضار والكروبونات وضربتهم فى بعض ودوقتهم بعدها اشوفها محتاج توابل تانى والالا
وبعدين جبت صنية ودهنتها زيت
وعلقت عليها على البوتاجاز لحد ما الزيت سخن فى الصنية وبعدين طفيت النار ونزلت بالعجينة ودخلت بها فى الفرن على درجة حررة متوسطة فى النص مش بتاخد كتير لانها يعتبر مستوية وبعدبن شغلت الشواية تحمر واعرف انها استوت وتطلع ازاى اجيب سكينة واغرس فيها لو نظيفة تبقا يالا يافتوكة استوت
وكدا خلاص ياقمامير بالهنا والشفا
محتاجة بقا تقيمكم ياافتوكات وتشجعيكم كمان علشان اتشجع كمان وكمان مواضيع هذا القسم برعاية
ها رونى ها رونى فتكات متميزة Fatakat 807536 المحلة الكبري – مصر