بسم الله الرحمن الرحيم
السلام عليكم ورحمة الله وبركاتة
ازيكم يا فتوكات ، يارب تكونوا بخير وصحه وعافيه
بصوا انا نفسي اخس 16 كيلو لأن بجد تعبني جدا وبذات متمركزين فى منطقه الارداف
فاعاملينلي مشكله كبيره اوي فى شكل الجسم
انا مش عندي نظام غذائي معين بس عندي فكره
والفكره بتقول ان مثلا ادخل كل يوم احط نظام لنفسي وللي حابه تشترك معايا ونمشي عليه مع بعض لحد ما نخس وفى افكار تانيه بس نتجمع علي خير كده وبعدين اقولكم نعمل ايه
طبعا انا نفسي اللى يشترك معايا يكون مثلا عايز يخس نفس الوزن ونفس مشكله الارداف عشان نفهم بعض
ولو حد يقدر يساعدني علي نفسي الدنيئه الطفسه دي ياريت طبعا لأن انا فعلا طفسه ومحتاجه تشجيع
اعرفكم بنفسي بقي بعد الرغي ده كله
الاسم : فوفه
الوظيفه : طالبه
السن : 23
الطول : 175
الوزن : 91 ( بتمرجح بين الـ 90 و الـ 91 )
الهدف : بأذن الله نفسي اوصل 75
الطلب : انقاذي من الطفاسه بالله عليكوا بالتشجيع
عايزين نشجع بعض يابنات وبأذن الله نخس
هنعمل نظام للأكل مع بعض وكل واحده تعرفني بنفسها الاول وبعدين نحدد مع بعض يوم البدايه واشطه ننطلق بقي
فوفه يوسف فوفه يوسف 1079272_6.gif فتكات نشيطة Fatakat 1079272 مملكتي ..~ – عآلمي الخاص ^__^