انا يابنات جاتلي فتره كدا كانت نفسي مفتوحه جدا بشكل بشع وعندي استعداد اكل اي حاجه وانا شبعانه عادي
قولو معايا اللهم انا نعوذ بك من نفس لا تشبع
هتقولو الدعاء ده قبل ماتاكلو اي حاجه بنيه ان ربنا يرضيكي بااقل شئ تاكليه وتشبعي بسرعه
وتزهدي في الاكل
أشربى .. كوب شاى أخضر مركز على الريق بدون أى سكر أوعسل
أو ممكن نصف كوب ماء علية 3 ملاعق شاى أخضر و يغلى قليلا و يصفى ويشرب (( على الريق ))فالشاي الأخضر على الريق……. يصغر حجم المعدة ….. بالإضافة إلى تقوية جهاز المناعة بالجسم
الشاي الاخضر مجرب وجميل وفعلا بيسد النفس وممكن تشربيه ساقع مع نعناع هيبقي حلو جدا وممكن للي بيكسلو زي يعملو ترمس ويخلوه جمبهم يشربو منه طول النهار بدل الشاي العادي والنسكافيه
خلو بالكم لو شربتو بس تلات كبايات من الشاي الاخضر في اليوم بيحرق 200سعر حراري
اشربي كوب عصير ليمون او برتقال او جريب فروت بدون سكر قبل كل وجبه هيسد نفسك جدا
عايزه اقولك ان الجريب فروت مش هيسد نفسك عن الاكل بس هيسد نفسك عن الدنيا بحالها
يابنات لازم تشيلو القشره البيضه والبذور لانها مره جداااا وتاكلو بس الحب اللي جوا
وصفه اخري مجربه
والهنود بيستخدموها لسد الشهيه
هتجيبي موزه وتهرسيها بالشوكه وتجيبي 4 او 5 فصوص حبهان وتطلعي اللي جواهم وتدقيهم مع الموزه هتسد نفسك برضه عن الدنيا
وانا بستغل الحبهان وبحطه مع الشاي برضه عشان يسد نفسي عن الاكل
في اعشاب زي المراميه واكليل الجبل والبابونج والشمر بيسدو النفس برضه
طبعا للي غاوي تجارب
لكن لو هتستمري علي حاجه يبقي الشاي الاخضر عشان طعمه حلو
وايه كمان
بذره الكتان
اما بتعمليها زي الشاي تصبي ميه مغليه علي معلقه كبيره وتغطيها وتحليها بسكر ريجيم او معلقه عسل او سكر عادي زي ماتحبي
وليكي معلقه ونص في اليوم قسميهم بقي
ممكن تحطيها ع السلطه
ع الزبادي تسفيهم ووراها كوبايتين ميه او تطحنيها وبرضه تشربيها
والطحن يابنات يوم بيوم او تعملي كميه ليومين بس عشان تستفيدي من الزيوت الطياره
وعايزه تستفيدي اكتر هاتي زيت بذره الكتان وحطيه برضه مع السلطه
انا جربت البذره نفسها فعلا بتسد النفس وبحطها مع شاي اخضر وحبه البركه ولازم تاكلي الحب نفسه وحلو جدا وان شالله هجيب الزيت لزياده الفايده
قالو معلومه علي قناهmbc
في برنامج التفاح الاخضر ان معلقه صغيره من زيت جوز الهند بيذيب الشحوم
وممكن تاخديها كدا او ع سلطه زي ماتستطعميها
البهارات الحراقه زي
الشطه او الفلفل الحار
زنجبيل وقرفه والهيل والزعتر والنعناع بيساعدو في حرق الدهون لو بتكسلي تشربيهم
يبقي حطيهم ع السلطه او في الاكل
الزبادي وعليه معلقه شوفان او رده او بذره كتان بتسد الشهيه
وممكن تكتفي بالعشا بيها يبقي تمام
كمان سمعت معلومه انك حتي لو تقلتي في الاكل او اكلتي وجبه دسمه
كلي زبادي بعدها بتساعد ع الهضم وتزود الحرق
وبعد الوجبه الدسمه ممكن تشربي شاي اخضر بزنجبيل يحرق اللي اكلتيه شويه
الكيوي والاناناس والبرتقال والجريب فروت
فواكه بتزود الحرق
طبعا الميه يابنات
اذا جعتي اشربي كبايتي ميه وتسمي الله وتقولي اللهم اني اعوذ بك من نفس لا تشبع
ولو الجوع اتملك منك خدي خس او خيار احسن ماتعكي وتروحي تجيبي الباقي من الغدا وتاكليه
معلومه بقي غريبه
ان اللبانه بتحسسك بالشبع
يعني لو مضغتي لبانه لمده ساعه الصبح هتخليكي تقللي من وجبه الغدا 67 سعر
واخيرا انا خلصت
ربنا يسد نفس كل واحده عايزه تخس عن الاكل
ويارب كلنا نوصل للوزن المثالي
انوس_مونتي انوس_مونتي 429733_1.gif برنسيسة فتكات Fatakat 429733 المدينة المنورة – السعودية