حبيباتى .. أسأل الله العظيم رب العرش العظيم أن يعطى كل مشتاقه للحمل الذريه الصالحه عاجلاً غير آجلا
أولا حبيبتى مهما تأخر الحمل لا تيأسى و لا تحزنى و إعلمى أن هذا التأخر لصالحك إنتى … لحكمه لا يعلمها إلا الله سبحانه و تعالى و لكن إحنا بمخنا و تفكيرنا البشرى لا نستوعبها فى وقتها
لن أطيل عليكم … الطريقه دى مجربه عن تجربه شخصيه حدث الحمل بعد تأخر و إشتياق مش لى و لكن لواحده قريبه لى الله اكبر ما شاء الله … و الله لم تكمل كورس الأدويه اللى الدكتور كتبه لها و الدكتور بقى مذهول … الله اكبر …ما شاء الله … كانت بتعمل الحاجات دى
الطريقه هى :
أولاً : الإستغفار باللآلاف فى اليوم يعنى جيبى عداد التسبيح موجود فى محلات اللى ب 2.5 و أقعدى قولى (( استغفر الله )) بالآلاف فى اليوم الواحد .. (( إوصلى لأكثر من 5000 آلاف مره فى اليوم ( سهله مش صعبه )
ثانياً و ده فيه سر عجيب : إسم الله ((( الوهاب ))) برضو على عداد التسبيح إقعدى ناجى ربنا بهذا الإسم بالذات و قولى (( يا وهاب .. يا وهاب … )) بالآلاف فى اليوم و بعدين بعدها تقولى (رب هب لى من لدنك ذرية صالحه إنك سميع الدعاء )
السر فى إسم الله (((( الوهاب )))) إن لو تلاحظى فى القرآن الكريم … الآيات الخاصه بالذريه ذكر فيها إسم الله الوهاب
1- (( رب هب لى من لدنك ذرية طيبه إنك سميع الدعاء ))
2- (( و وهبنا له إسحاق و يعقوب و جعلنا فى ذريته النبوة و الكتاب … ))
3- (( و وهبنا لداوود سليمان نعم العبد … )))
4- ((فاستجبنا له ووهبنا له يحيى وأصلحنا له زوجه))
فيه آيات أخرى كثيره لا استطيع حصرها الآن و لكن حتلاحظيها بنفسك و أنتى بتقرأى فى القرآن الكريم
ثالثاً : سماع و قراءة سورة (( مريم )) بالذااااااااااااااات بكثره ..شغليها كتير و إسمعيها كتير و إقرأيها كتير السوره دى بالذات و إطلبى من ربنا و تضرعى له بعدها
رابعاً : الصدقه : بنية الإنجاب
بس ركزى أوى أوى على الإستغفار بالآلاف فى اليوم الواحد و ذكر إسم الله الوهاب بالآلاف و طلب الذريه بعدها على طول و إنتى كلك يقين بالإجابه و إن شاء الله تيجوا تبشرونى بعدها بخبر حملكم بإذن الله تعالى
أسأل الله العظيم رب العرش العظيم أن يرزق كل مشتاقه للحمل .. بحمل سليم معافى عاجلاً غير آجلا .. يا حي يا قيوم لا تحرم أى زوجه من الحمل و الذريه إنك سميع الدعاء … أحبكم فى الله
**nounouss** **nounouss** images/avatars/inbloom.gif فتكات متميزة Fatakat 209222 مصر – مصر