[center][i][color="#4B0082"][size="6"][font="Arial"]السلام عليكم يا فتوكاتي الاعزاء
الكبسة السعودي دي انا عملتها وحبتها جدا وهي فيها عناصر غذائية كتير وكمان سهلة واليكم الطريقة
المقادير
3 كوب ارز بسمتي مغسول
2بصلة متوسطة الحجم مقطعة قطع صغيرة
ربع كيلو فراخ بانية مغسولة ومقطعة قطع صغيرة
من العطار هاتي بهارات كبسة مثلا ب 2جنية بس حناخد منها معلقتين مش حنستعملها كلها
2جزرة مغسولة ومبشورة
طمطماية كبيرة مبشورة
فلفل كبي واحدة
مكعب مرقة وملح وفلفل وشطة
معلقة سمن وشوية زيت
الطريقة
حتجيبي حلة ويا ريت تكون من اللي الاكل مش بيلزق فيها بس لو مش موجودة برضة مفيش مشكلة
حتحطي فيها الزيت والسمن وبعدين تضيفي البصل المقطع لحد ما يصفر شوية مش يحمر
وبعدين تحطي الفراخ البانية المقطعة وتشوحيها مع البصل وتضيفي عليهم بهارات الكبسة
بعدين تحطي الجزر والارز والفلفل الكوبي وتشوحيهم مع الحاجات اللي في الحلة
بعدين تحطي المياة لو عملتي 3 اكواب رز حطي 4 كوب ماية عشان الرز البسمتي بياخد مياه اكتر من الرز العادي
وبعدين دوبي مكعب المرق وحطية عليهم وكمان حطي الطماطم وشوفي الملح حسب ما بتحبي الملح زودي وكمان
ضيفي الفلفل الاسود والشطة وممكن كمان تحطي معلقة قرفة صغيرة حتدي ريحة جميلة اوي
وتحطي علي نار عادية ولما يقرب يتشرب توطي النار علية زي الرز العادي وبعدين تشوفية لما يستوي وتغرفية في الاطباق
وبالهنا والشفا
ملحوظة المقادير دي تكفي حوالي 4-5 افراد
مواضيع هذا القسم برعاية
لوليتا موون لوليتا موون 255587_11.gif فتكات متميزة Fatakat 255587 الاسكندرية – مصر