دلوقتي الساعة 12 بتوقيت دبي يعني صباح الخير . بس في مصر لسه مساء الخير
يوم الثلاثاء الي فات ماماتي ما كنتش في البيت طول اليوم فمالحتقش تعمل غدا وقالتي بقى أنا يبقى عندي شيف زيك في البيت وبرضو اقلقك . لا يا حبيتي اول ما ترجعي من الشغل اتصرفي واعملي الغدا عبال ما أجي . طبعاً اختكم في الله دلوعة ما كانش في دماغة حاجة معينه وسبت المواضيع على التساهيل ههههه .
دخلت المطبخ طبعا والمزاج ايه رايق علشان أصلا كنت عارفة بموضوع الغدا الي ادبست فيه وخدت الكميرا معايا ^_^ . لقيت كيس رقاق . قلت بس مش حفكر كتير هو ده احسن حاجة .وتقريبا كل حاجة موجودة ومنظمة للزنقات اصلي مامتي من النوع المتظبط شوية خخخخ . حنرغي كتير يالله نشوف طريقتي في الرقاق باللحمة . طبعاً رقاق على قد ما تحتاجي او على قد الصينية الي حتعملي فيها . واحنا في الامارات الرقاق بيتباع عندنا في كياس زي كده مدلع يعني
سمنة أو زبدة .أنا سيحت 3 معالق زبدة وحطيت عليها معلقة سمنة (سمعاكي يالله بتقولي هو انتو عندكو سمنة ) هو فعلا الشهادة لله السمنة البلدي الي عندكو تجنن .
شوربة لحمة . لقتها جاهزة في الثلاجة . احنا لما بنسلق اللحمة بنحتفظ بالشوربة للحجات الي زي كده . وتحطيها في كيس وتربطيها كويس ومش حيجرالها حاجة
دي مقادير اللحم المفروم . لحم مفرومة مع بصل (كانت في الثلاجة) طماطم مبشورة – (كموت – قرفة – فلفل أسود) وزيت نباتي – وطبعا الملح
نحط اللحمه المفرومة بالبصل مسبقاً في طاسة على النار مع الزيت النباتي ونشوحهم شوية .
ونحط عليهم الطماطم المبشورة ونسبها تتسبك معاهم وممكن لو عايزة الطعم قوي تضيفي معلقة صلصة .
وبعد ما الطماطم تندمج كويس مع اللحمة تحط البهارات وما ننساش نظبط الملح .
كدة اللحمة المعصجة جاهزة عندنا .
حنحتاج لصينية علشان نعمل فيها الرقاق . وندهنها بشوية زبدة أو سنمة .
نسخن الشوربة بسيط جدا يعني تبقى دافية شوية . ونصبها في صينية أكبر علشان نعرف نغرق (بعد الشر من الغرق قصدي نغمسالرقاق)
علشان تبقى الصورة واضحة هنا شكل الحجات بعد ما جهزتها .(اللحمة – الزبدة – الرقاق -الشوربة – والصينية الي حنسوي فيها الرقاق). كل ما ظبطي الدنيا وتشتغلتي بترتيب حتطلع الحجات رائعة لاني المزاج الرايق والجو المترتب والمطبخ الجميل طبعا ليهم دور كبير جدا
نحط حتت الرقاق في الشربة لحد ما تتطرى حاجة بسيطة جدا ونبدأ نرصهم في الصينية
وهنا رصيت كذا طبقة بالطريقة دي .
وحطيت سنة من الزبدة علشان النكهة
وحطيت اللحمة المفرومة . ووزعتها
والصينية بقت عندنا الشكل ده
نرص الرقاق المتشرب بالشوربة تاني
هنا شكل الصينية بعد ما خلصت ودهنتها بسنة زبدة على الوش علىشان تتحمر كويس في الفرن .
مواضيع هذا القسم برعاية
شيف لطيفة مسعود شيف لطيفة مسعود 330245_1.gif فتكات رائعة Fatakat 330245 دبي – الامارات