بسم الله الرحمن الرحيم
انا كان نفسى من زمان اعمل عيش توست كنت بعمل عيش فينو واخيرا اتجرأت وقلت اعمل التوست
والصراحه طلع طعمه حلو بالنسبه لأول مره
دلوقتى هنقول على المقادير اللى عملت بيها
3 كوب دقيق
نص كوب ماء فاتر
ملعقه كبيره خميره فوريه
معلقه كبيره سكر
نص ملعقه صغيره ملح
4 او5 معالق زيت
هنجيب الخميره وندوبها مع الماء والملح والسكر
وبعدين ننخل الدقيق فى الوعاء اللى هنعجن فيه
وبعدين نجيب الماء اللى دوبنا فيه السكر والخميره والملح ونحطه على الدقيق المنخول
هنعجنها شويه فى الوعاء وبعدين نعجنها على الرخامه
نعجنها كويس وبعدين نعحطها فى وعاء ونغطيها عشان تخمر
وبعد ساعتين نعجنها شويه صغيره خالص وبعدين ندهن القالب ونفردها ونلفها اسطوانه ونحطها فيه تخمر نص ساعه
ونكون مولعين الفرن ونحطها فيه حتى تمام النضج
وده الشكل النهائى بعد ماطلعت من الفرن طلعناها من القالب
هنلفها فى فوطه لحد ماتبرد وبعدين نقطعها كده
اتمنى يكون عجبكم وتقلولى رأيكم بالنسبه لأنى أول مره اعمله
مواضيع هذا القسم برعاية
نوران مجدى نوران مجدى 635143_2.gif فتكات متميزة Fatakat 635143 المنصوره – القاهره