السلام عليكم ورحمة الله وبركاته
انا اقولكوا طريقه ماما بتعمله وبيطلع جميل وبيبقي نضيف من غير
شمس ولا ميه سخنه ولا حاجات من اللي بتجيب الامراض اول حاجه تجيبي سمك بوري بس يكون مش رفيع يكون تخين وبعد كده تغسليه بميه عاديه وبعدين تحطيه في مصفاه يصفي ميته لمده خمس او ست ساعات بعد كده تجيبي (ملح خشن وشطه حمرا ناشفه ومعاهم شوية كركم) الكركم بيديله لون حلو مصفر كده والكركم اختياري لو مش عاوزاه بلاش واخلطيهم علي بعض وتكون الشطه اقل طبعا من الملح بكتير يعني 3 او 4 ملاعق شطه وبعدين احشي راسه كويس جدا جدا وتجيبي كيس نضيف وتحطي في ارضيته راقة ملح بالشطه بالكركم وترصي السمك عليه وبين كل طبقة سمك وسمك تحطي ملح بالشطه بالكركم زي تمليح السردين واقفلي علي الكيس كويس وحطيه جوه حله وغطيه ,, بعد يومين هيطلع ريحه مش لطيفه اوي بس متقلقيش منها عشان كده من الافضل انك تحطيه في البالكونه وافتحي عليه بعد 10 ايام وهتلاقيه فسيخ ان شاء الله وانقليه في التلاجه عشان يتحفظ وبالف هنا وشفا وابقوا ادعولي انا ومامتي. مواضيع هذا القسم برعاية
كوووكووو كوووكووو 78768_5.gif فتكات رائعة Fatakat 78768 البحيرة – مصر