السلام عليكم ورحمة الله وبركاته
دا اول موضوع ليا ف قسم الطبيخ يارب يعجبكم
انا عملت صوص بحب احطه ف اغلب الاكلات
ولما جربته مع الكورن فلكس طلع لذيييذ جدااا لسه مخلصاه من شويه قلت لازم احطه للفتوكات
واهي طريقه جديده للكورن فلكس بدل ما هو متخصص للبن بس
وتنفع عشوه خفييفه خصوصا للي بيعملوا رجيم
ندخل على المكونات
– الصوص –
علبة زبادي عادي كامله
عصير نص لمونه
مسطرده ديجون معلقه واحده كبيره ( البديل – كاتشاب )
صويا صوص معلقه صغيره ( البديل – خل وملح )
طحينه معلقه واحده كبيره
2 معلقه صغيره زيت زتون
فص واحد ثوم مهروس
* البهارات
كمون
كسبره ناشفه
فلفل
بابريكا
كاري
شطه
الطريقه
قلبي الزبادي لوحده لحد ما يبقى زي الكريمه
وبعدين اخلطي كل المكونات مع بعض
وفي طبق التقديم حطي شوية الصوص مع مقدار مناسب من الكورن فلكس
– ملاحظات –
* لو مفيش مسطرده ولا كاتشب حطي المناسب من الخل والملح
* برضو لو مفيش الصويا صوص حطي الخل والملح
* ممكن تجيبي الكورن من فتح الله او العطار كيس كبير ب 4ج بس وطعمه زي العلب وممكن احسن منه كمان
* المكونات مقدارها حسب الذوق والاحتياج
* البابريكا من العطار دا فلفل احمر حلو حيفرق جدا ف الطعم وملهوش بديل ب2ج حديكي كميه صغيره بس مناسبه
* مسطرة ديجون ب1 ج بس تعد معاكي كتير ممكن شهرين او اكتر ومكون جديد تغيري بيه الطعم التقليدي للأكل
وبالهنا والشفا
يالا شجعوني عشان انزلكم حاجات تانيه من اخترعاتي
كان نفسي انزل صور بس انا داخله فلاشه حيسحب مني كتير
ومتنسوش دعاء الاكل
بسم الله الحمد لله الذي اطعمني هذا ورزقنيه من غير حول مني ولا قوه
مع السلامه ياقمرات مواضيع هذا القسم برعاية
وردايه صغنتوته وردايه صغنتوته 402439_37.gif سوبر فتكات Fatakat 402439 الإسكندرية – مصر