السلام عليكم
ازيكم يا قمرات
انا ناوية اهريكم طبخات هههههههههه اصلى كنت عاملة عزومة سمك قلت انزلكم الاصناف الاول بالتفصيل للإفادة وبعدين ابقه انزلكم العزومة .
ندخل بقه على طبق الجمبرى التحفة بجد بيبقه حلو اوى
المقادير:-
جمبرى طازة
ملعقة توم مفروم
بقدونس مفروم
ملح وفلفل وكسبرة ناشفة وكمون.
الطريقة:-
هنجيب الجمبرى الطازة ونغسله كويس انا بجيبه متنضف جاهز وده شكله
وبعد كدا هنجيب حلة او طاسة ونحط فيها شويه زيت وملعقة التوم او اكثر حسب الرغبة والتوابل ى الصورة كدا
واول ما يصفرو شويه احط عليهم الجمبرى واقلبه هبدأ لونه بقه اورنج وينزل مية زى الصورة كدا
اسيبه يغلى شويه بتاع عشر دقايق وبعدين اروح مزودا شويه مية بتاع كوب مثلا زى الصورة كدا
واسيبه كمان يغلى شويه تانين بتاع عشر دقايق واخر حاجة اروح حاطة شويه البقدونس المفرومين وقلبه قلبتين كدا
وبعدين تغرفيه وتقدميه وده شكله
ويتقدم مع الرز البنى اللى هو عبارة عن بصلة تتحمر كويس ويتحط عليها مية وملح ولما تغلى نحط الرز ونسويه عادى زيه زى اى رز وطبعا كلنا عارفين كوباية الرز ليها كوباية ونصف مية.
ها ايه رايكم؟
واللى موش هيقول رايه هزعل منه مواضيع هذا القسم برعاية
ام نور دنيتي ام نور دنيتي فتكات رائعة Fatakat 364309 لا زمان – لا مكان