السلام عليكم ورحمة الله وبركاته
اهلا بالفتوكات
وحشتونى وحشتونى وحشتونى تلاته وحشتونى
انا النهارده هاقدملكم الباميه ياللحمه المفرومه من مطبخى
المقادير:
نصف كيلو لحمه مفرومه
كيس باميه بسمه مجمد 400 جرام
2بصله متوسطه ومبشوره
4 فص توم مفرى
5 وحدات طماطم متوسطه
ملح وفلفل وكسبره وشطه
3 ملاعق كبيره سمن نباتى او بلدى
3 كوب شوربه
الطريقه
نضع طاسه بها 3 ملاعق سمن على النار
نضع الباميه على السمن
ونشوح الباميه فى السمن ودى علشان لما تستوى تبقى محتفظه بشخصيتها كباميه هههههههه
نضع الثوم المفرى الملح والفلفل الأسود والشطه والكسبره على الباميه ونقلب
نضع البصل المبشور على الباميه
نقلب البصل المبشور جيدا حتى يدبل
ثم نضيف اللحم المفروم *المشوح من قبل مع بصله صغيره *ممكن نسميه عصاج
وممكن يكون بلحم مفروم مشوح من غير بصل
نآخذ الطماطم ونضعها فى ماء مغلى على النار لمدة دقائق
وعندما تصبح بهذا الشكل
ننقلها فى طبق به ماء بارد
نتركها بضع دقائق فى الماء البارد
نقشر الطماطم ونضعها فى الميكسر * الخلاط *
ثم نضع عصير الطماطم على الباميه
وعندما تبدأ الباميه فى التسبيك نضع الشوربه على الباميه سنه سنه
ثم نضعها فى بايركس او طاجن او صنيه دا شيئ يرجعلك بمعنى ذى ما تحبى
ونضيف شوربه لوكانت محتاجه
نغطيها بورق الفويل* الألمونيوم *
نضعها فى الفرن على الشبكه فى وسط الفرن
ونضع فى الرف الأول من الفرن صنيه بها ماء ساخن
حتى تجعل الفرن وكآنها فرن بمروحه * لتساعد على توزيع الحراره فى الفرن
ثم نخرجها من الفرن ونزيح ورق المونيوم ونضعها
تحت الشوايه ثم نخرجها هكذا
صوره اخرى
بالهنا والشفا
انا لى رجاء عندكم
تدعولى بآن يقر الله عينى بهداية زوجى وصلاحه وتقواه
والثانيه نجاح ابنى بمجموع كبير
والثالثه
التقييييييييييييييييييييم
ثم التقيييييييييييييييييم ثم التقيييييييييييييييييييم
والسلام عليكم ورحمة الله وبركاته
فى امان الله يا احلى فتوكات مواضيع هذا القسم برعاية
ميثاق ميثاق 435118_6.gif فتكات غالية قوي Fatakat 435118 سوهاج – مصر