جايبلكوا يا بنات كشري بقى ما اقولكوش على جماله اتفضلوا معايا
المقادير كلنا عارفنها بس هعيدا
ارز حسب الكميه +عدس بجبه+مكرون اسباجتي على صغيرة +طماطم +بصل للتقليه + ثوم طبعا علشان خاطر الدقه + شطه زيت بصوا بقى معايا
ده اتعمل بقى جبت الشعريه وحمرتها في الزيت وبعد كده جبت الرز بعد ما اتغسل وقلبته فيها وقفلت عليه وبعد كده جبت العدس بجبه غليته غلوة واحده علشان ما يعجنش ور
وحت مولعه تاني على الرز وقلبته في بعض بميه العدس وبعد كده حطيت الشياطه ووطيت عليه
التقليه بقى قطعت بصل وقليتها فيه لغايه ما اتحمرت وبقت بالشكل ده
دي المكرونه طبعا سلقتها وبعد كده صفيتها وبعد كده قلبتها في حبه زيت صغيرين علشان ما تلزقش في بعض
الصلصه بقى ضربت طماطم في الخلاط وبعد كده حططها على النار تتصلص مع شويه زيت طبعا وبعد كده جبت حبات ثوم وعليهم حبه ملح ودقتهم وحططهم على الصلصه كانت الريحه جايبه اخر الدنيا
حمص الشام بقى بتنقعي الحمص من بالليل في المايه وبعد كده الصبح تحطيه على النار ومع بصله متقطعه وفصين توم صحاح وكمون وتيبيه يستوي وبعد كده حطي الملح وشويه طماطم يخلوه احمر
الدقه بقى تجيبي كام فص توم مع شويه كثبرة ناشفين وكمون وملح وتدقيهم وعليهم شويه حل وميه وتبقى جامده وممكن تغليهم مع بعض
ودي شطة زيت تجيبي شطه ناشفه وعليهم شويه صلصه وشويه زيت حلووين وشويه ملح وتغلي على النار شوية وتبقى تمام
ده بقى بعد ما اتعمل حد عاوز طبق ههههههه
ما تنسوش التقيم بقىىى
مواضيع هذا القسم برعاية
سوسو ساسو سوسو ساسو 295860_10.gif فتكات غالية قوي Fatakat 295860 انا عاوزه اتجوز يسعدك الشيك شيك – مصر