اكلتى النهارده بحريه
عملت باذن الله سى فود ومرجان مقلى ودنيس فى الفرن وملوخيه بالجمبرى وبادنجان وارز البنى
اللينك ده كنت مشتركه فى المسابقه
أكلتى الفائزة بالمركز الاول فى مسابقه انا بعشق البحر مع meroام نوسو نوسو
https://fatakat.univanet.com/#3656105
السى فود
انا اشتريت كيس مشكل فواكه بحر
المقادير
زبده
بصل
ثوم
جمبرى مقشر
سبيط مقطع شرائح
كابوريا قلبها
وسمك فليه
كرفس اهم شئ بيعطى طعم خطير
جزر
كريمة لبانى او كريمة طبخ
الطريقه
– نشوح البصل و الثوم فى الزبده
– ثم نضع الجمبرى على البصل و الثوم و نقلب
– ثم نضع شرائح السبيط والسمك الفليه و نقلب
– ثم نضع قلب الكابوريا و نقلب حتى يبدا لونهم فى التغيير
– نضيف الماء لحد لما يغطى المكونات كلها
– عندما تبدا تغلى الشوربة نضع الكرفس المقطع و الجزر المبشور ثم نضع الملح والفلفل الابيض
البهارات السمك
المرجان سمك حساس جداا يعنى مش تمسكيها فى ايدك كتير
انا قصيت الزعانف وشلت القشور
وغسلته وعصرت عليه ليمون
جبت توم وكسبره خضراء وفلفل رومى وكمون وملح وبهارا سمك وعلى الكبه فرمتهم وحطيتهم عللى السمك انا كنت عملته فبلها بيوم وعصرت لليمون كتير وسبيته
جبت الدقيق وكنت حطه شويه بقسماط وتبلته وتكون ايدى مبلله وارش على السمكه عشان يكون مقرمش
وقليته فى الزيت
السمك الدنيس نظفته
جبت طماطم مقطعه
وفلفل حار
وفلفل رومى
وجزر مبشور
وكرفس وملح وبهارات سمك وكمون
وتوم وخلطتهم مع بعض
وحشيت البطن بها
وحطيت الخلطه فى الصنيه ورصيت السمك وحطيت عليه زيت زيتون
وسخنت الفرن جبت ورق فويل وغطيته بيها ودخلته الفرن
وبعد ما استوى شلت الورق الفويل وعشان الوش يحمر
انا اسفه والله نسيت اصور بعد ما طلعت من الفرن اعذرونى
الارز البنى
كميه الارزحسب رغبتك
اغسله كويس
اجيب حله واحمر فيها البصل
لحد ما لونه يبقى بنى
اضع كوب ماء عليه وشويه كمون او كارى
واغطيه لمده 10 دقايق ليه لحد ما البصل ينزل المزازة بتاعته
اللى ياكل الارز بينام
بجد
عدت 10 دقايق
اجيب الارز واحط عليه
واظبط المياه والملح
لحد ما يستوى
الملوخيه بالجمبرى
ربع كيلو جمبرى مقشر
لتر ماء
كمون وكسبره ناشفه
بصله متوسطه مفرومه
وثوم ومفروم
معلقه سمن
ملح
الطريقه نغلى الماء مع الملح والكمون والبصله المفرومه
يضاف الجمبرى الى الماء المغلى ونسيبه علىنار هادئه لمده دقيقه حتى يستوى
يضاف الملوخيه وتقلب لتجانس وتسبيها 5 دقا ئق
التقليه
نسخن السمن ونحط فيها الثوم والكسبره الناشفه وكمون
لحد مالون يتغير نروح حطينها على الملوخيه وتقدم بالهنا والشفا
البتنجان المقلى اللمميز على سفرتى
قطعته ونقعته فى ملح وبعدين قليته
دقيت التوم وجببت طمطمايه وبشرتها بالمبشرة وحمرت التوم لغايه ما لونه اصفر
نزلت الطماطم
وضفت معلقه خل ولما اتسبكت كنت مجهزة ايه فلفل اخضر وكسبره نا شفه وخضره وكمون ودقيت فصين توم تانى ودقت وحطيت عليهم ليمون نزلت الخلطه على التسبيكه ورشيت على البذنجان هذه الخلطه ورصيت فى الطبق
كنت قدمه معاهم طحينه وجر حير ومخللات
كده قدمت وصفتى لعل وعسىاكون قدرت اوصل معلوتى
ومستنيه تعلقاتكم
استودعكم الله
مواضيع هذا القسم برعاية
ام نوسو نوسو ام نوسو نوسو 343310_67.gif فتكات غالية قوي Fatakat 343310 ***دمياط*** – مصر