السلام عليكم ورحمة الله وبركاته
يا بنات ارجوكم ساعدونى انا والدتى تعبانه عندها برد ومش قادره حتى تقعد ف السرير ونايمه وبس
ومش عايزه ولا تاكل ولا تشرب
وانا عماله احاول معاها وبتتنرفز عليا
عملتلها يانسون وعليه نعناع قولت اخترع بس مش عايزه تشرب لانها مش قادره تقوم تقعد قولتلها انا هساعدك
وهى بتعيط لانها تعبانه وصعبان عليها نفسها
وانا بتقطع علشانها وف نفس الوقت انا تعبانه لان النهارده اول يوم للبريود يعنى ع اخرى بس وربنا بحاول اتجاهل الوجع علشانها
ومقدره نرفزتها
المهم ساعدونى اعمل ليها ايه علشان تاكله بس ياريت اللى هيقولى اكل يقولى الطريقه لانى مبعرفش اعمل اكل
انا بفكر اعمل لبابا عندنا رز قولت اعمل جانبه صنية بطاطس بس عايزه حد يقولى طريقه ف السريع
وكنت بفكر اعمل لماما شوربة مكرونه او مكرونه محمره واحطلها عليها ليمون علشان البرد
ياريت تساعدونى وتقولولى الطرق بتاعت الحاجات دى او لو ف اكل تانى حلو للبرد وسهل تعرفونى
وادعو لامى ربنا يشفيها يارب ويقومها بالسلامه
ف رعاية الله
مواضيع هذا القسم برعاية
كوباية شاى بلبن وبقسماط كوباية شاى بلبن وبقسماط 394270_29.gif فتكات ست الكل Fatakat 394270 helwan – Egypt