ازيكوا يا احلي ستات فلدنيا اسكتوا انا في مره كان عندي عزومه والمفروض هاعمل فراخ بانيه ببص مالقتش عندي بقسماط ولا بيض ولا في حد يجبلي قلت طب والعمل افتكست طريقه روعه والله والله والله لما تجربوها هاتدعولي
بصي يا حلو انتي وهي هاتجيبي الفراخ البانيه ولو مسكتي القطعه لاقتيها تخينه شويه اقطعيها بانك تحطي كف ايدك علي الحته وبشويش بسكينه رفيعه تقسيميها نصين المهم وتقومي جايبي بصله حلو كده كبيره و تبشريها في طبق وتدعكيها بالفلفل الاسود والملح وتقومي حطاها علي الفراخ و تجيبي بهرات العاديه تحطي بس مش كتير انا بقي زارعه فلبلاكونه عندي روزماري تجيبي حبه وتقطعيهم وعليها وكمان زعتر فرش ولو رشه حوزه الطيب واااو وتجيبي لامونه وتعصريها ومعلقه مسطرده لو عندك لو مافيش مش مهم و حبة صوياصوص لو عندك بردوه ماعندكيش ولا يهمك وفالاخر تجيبي فص ثوم وتهرسيه لحد مايبقي عجينه وتحطيه وتدعكي كل ده مع بعضه وتغطيها وتسيبيها تتبل كل مالوقت يزيد كل مايبقي احسن نجيبي بقي علي التسويه حضرتك تجيبي طاسه تيفال وتحطي معلقه زبده و حبه زبت قليلين اوي بس ماتكتريش فلزبده يدوبك تتدهيني بيهم بس وياسلام لو عندك جرل وااااو وتحطي الفراخ اللي تبلناها وتسيبيها شويه وتقليبيها لحد ماتستوي وتاخد اللون الدهبي الحلو لو التتبيله فلطبق متبقيه ممكن وانتي بتشوحي الفراخ تدلقيها بالمعلقه علي كل قطعه وش و ضهر وشمي الريحه تجنن وبس تطلعيها وتقدميها وبالف هنا وادعيلي بقي اتجوز واجربها فالموكوس اللي مش راضي يجي ده هههههههههههههه
ودي المقادير بالتفصيل
نص كيلو فراخ بانيه
بصله كبيره
1فص ثوم ك
1 معلقه فلفل اسود
1 م بهار
1 م زعتر
1 م روز ماري
1 م مسطرده " لو موجود "
1 م صويا صوص " لو موجود "
رشه جوزة الطيب
و لامونه
يارب تعجبكوا وابقوا قولولي بقي ايه رايكوا
مواضيع هذا القسم برعاية
hasbyALLAH hasbyALLAH images/avatars/theworld.gif فتكات متميزة Fatakat 559840 cairo – مصر