** الســـــلام عليـكـــــــــم ورحـمة الله وبــــــــركـــــــاتـه **
والصلاة والسلام على اشرف الخلق
عليه افضل الصلاة واذكى السلام
……………….
ازيكم يا قمرات لعلكم فى افضل حال
::::::::::::
اليوم طريقتنا للفراخ بالخلطه وهو بديل للحمام للمغتربات وخاصة فى السعوديه لاننا مش بنلاقى الحمام الا نااااااادرا
وفى نفس الوقت من باب التغيير فى وصفات الفراخ لانه اكتر شيئ موجود بالسعوديه
طبعا الوصفه للجميع وممكن لو عندك عزومه والحمام ناقص عن العدد تكملى بالفراخ ومش هيبان فى الشكل لكن الطعم مختلف طبعا والحمام لا يعلى عليه
ممكن نستخدم الفريك بدل الارز ولكن بننقعه الاول ساعتين ونكمل نفس الخطوات
او لو مستعجله صفرى البصله المفرومه وانزلى عليها بالفريك المغسول وقلبى وزودى ميه ويخليه ياخد نصف سوا عشان يكمل النضج مع الفراخ وطبعا ظبطى البهارات
او نستخدم خلطه المحشي ودى عرفتها من شيف فى النادى اللى فيه مدينتنا
المكونات :
حسب عدد افراد الاسرة
هنا
6صدور فيليه
بصله مفرومه
كوب ارز مصرى مغسول ومصفى
معلقه صغيرة من (ملح وفلفل وكمون وكسبرة ناشفه وبهارات دجاج )
وممكن نعناع حسب الرغبه فى خلطة الارز فقط مش للفراخ
معلقه ص كمون صحيح ومعلقة سمنه بلدى او زيت
نخلط البصله المفرومه مع الارز والسمنه ونصف البهارات ومعلقة الكمون الصحيح
كله نى فى نى
يدق كل صدر فيليه على كيس نايلون بخفه
ولو كان الفيليه صغير الحجم افتحيه من الجنب مثل الكتاب بدون فصله فى النهايه
ثم يطرق بخفه وعليه قطعه نايلون حتى لا يتمزق
ثم يتبل بالبهارات السابقه من الوجهين
(خطوة البهارات دى انا باستعملها مع الفراخ عامة حتى لو هاطبخه عادى يعنى هاسلقه لازم ابهره الاول عشان تبقى ريحته ذكيه والتوابل مش بتنزل فى الميه ابدا لو تبلتيه قبلها بشويه وبين النسيج )
نضع معلقه كبيرة من الحشوة على طرف الفيليه
ثم يلف رول ويلف الفويل مع غلق الاطراف مثل البونبون
بالنسبه لطريقه النضج 2:
الطريقه الاولى :
يوضع فى صينيه مدهونه زيت او سمنه وعليه كوب ماء مغلى ويوضع بالفرن حتى النضج وفى النهايه ينزع الفويل ويوضع تحت الشوايه 5دقايق ليحمر ويقدم
الطريقه الثانيه :
وهى السلق العادى وذلك بوضع الوحدات فى ماء ساخن وبصله مفرومه او شرائح وملح وهيل ولورا وبهارات وفلفل
وبعد الغليان تهدأ النار وتترك ساعه ونصف او ساعتين حتى ينضج الارز فى الداخل
بعد النضج تترك لترتاح وتهدأ حرارتها وينزع الفويل عنها
ثم تدهن بالسمنه او الزيت وتدخل الفرن تحت الشوايه او تحمر على النار فى الطاسه
حتى تأخذ اللون المطلوب وتقدم
هنا مع ارز بسمتى
بسم الله ماشاء الله
وهنا صورة جماعيه لوجبتنا اللذيذه
شوربة كريمه وبطاطس مطبوخه والارز ورول الفراخ
كاتشاب ومايونيز وبابا غنوج
ZOOOOOOOOOOMMMM
ووووااااااااااااووووووووو
او بتقدميها مع سلطة جانبيه وهتلاقى الطريقه فى مواضيعى 3انواع
وده كان الحلو بتاعنا بفضل الله
سينابون و كيرلى سينابون
هاقدمه المرة الجايه باذن الله
واخيرا
كوكى هانم ربنا يحميها بتمسي عليكم يا قمرات
واتمنى تكون الوصفه عجبتكم ولا اسألكم الا الدعاء بظهر الغيب
ان ربنا يحفظنا من كل سوء ويبارك لى فى اولادى و زوجى واهلى باذن الله مواضيع هذا القسم برعاية
كنزى همام كنزى همام images/avatars/peppers.jpg فتكات ست الكل Fatakat 538054 الطائف – لسعوديه