اولا ياريت المشرفه متنقلش الموضوع من قسم الفضفضه الله يخليكم
أنا عارفه ان في بنات كتير اوي رايحين جايين على عيادات التخسيس طول عمرهم زيي كده
انا بقى هحكيلكم حاجه هتصدمكوا اني بعد كل السنين دي اكتشفت حاجه :
كل دكاتره التخسيس في مصر كلامهم واحد وتعليماتهم واحده
اصلا الدكتور ملهوش اي لازمه لو الاراده مش نابعه من جواكي انتي
اليكم بقى حكايتي انا
انا قصتي بدأت في 2024 لما روحت لدكتورة علاج طبيعي هي نفسها كانت محتاجه تخس بتاع 40 كيلو كده الا اني كنت بحبها وكانت بتوصفلنا طريقة عمل البسبوسه واننا لازم نزود فيها السكر والشربات علشان تبقى حلوة اه وربنا دكتورة اهي اللي المفروض تخسسنا ماعلينا بردو كنت بحبها ومكنتش بمشي على رجيم انا اصلا كنت قطعت الاكل تماما وكنت بروحلها العياده 3 مرات في الاسبوع وخسيت من 90 الــى 58 ياالله كانت أيام
بعدها روحت لدكتورة علاج طبيعي تانيه من اللي بردو بيقولوا على نفسهم دكاتره تخسيس معاها مخسيتش هي استغلتني وضحكت عليا بالحقن والحاجات دي وبوظتلي جسمي تماما منها لله خدتني مقاوله وتجاره و فضلت تشكشكني بالحقن وقال ايه ميزوثيرابي ولا طلع ميزوثيرابي ولا نيله كانت حقنة بـ 150 جنيه يعني وانا ساعتها كنت جاهله ومش فاهمه حاجه وصدقتها حسيت انها نفختني مش خسستني معرفش كانت حقن ماء دي ولا ايه
بعدها روحت للدكتور بهاء ناجي اللي بييجي على قناة الحياة بصراحه معرفش ليه ماارتاحتش خالص هناك مع انه دكتور محترم اوي والله لكن ممشيتش على نظامه خالص وكنت المفروض اني اتجوز في الفتره دي فعملت عنده جلسات باور شيب اللي بردو مكنش ليها اي 30 لازمه
وروحت لدكتور قالي انتي تخينه وكنت ساعتها 82 كيلو طيب ماانا عارفه اني تخينه هو انا لو مكنتش تخينه كنت جيتله؟ قمة قلة الادب والذوق
وروحت جيم والبنت اللي هناك بصتلي بقرف وقالتلي انتي كام سنه قولتلها 24 قالتلي والله؟ يعني مش 30؟ انتي عريضة اوي من تحت وانا مطلبتش رأيها
بعده بقى ربنا هداني واخدت من اختي ورق الكتورة مها راداميس هي كانت بتتابع معاها فانا اخدت الورق ومشيت عليه وبصراحه خسيت جدااااااااااااااااااااااااا وبدون رياضة خالص
بقالي سنة ونص باكل بغبااااااااااااااء ضربت و بقيت 90 كيلو رجعت لنقطه البدايه ودلوقتي مخطوبه وفرحي في 11 الجاي باذن الله
روحت للدكتور محمود العفيفي اللي في بنها كويس جدا ومحترم وشرحلي ازاي بنتخن وكل حاجه بجد ربنا يكرمه ومع ذلك مش قادره ابدأ رجيم خالص حاسه ان في قوى سفلية غاشمة بتمنعني عن اني التزم
انا تعبانه جدا و مش عارفه ابدأ ولا استجمع قوتي وارادتي اعمل ايه بقى؟ انا مش طويله اوي ولازم ابقى 58 او 57 كمان علشان اعمل حساب مابعد الزواج اني اكيد هتخن تاني
انا طلعت من الحكايه دي كلها بان التخسيس ده حاله نفسيه لو انتي مبسوطه وفرحانه بالتغيير الداخلي اللي بيحصلك هتفضلي تخسي وتبعدي عن الاكل بدافع الفضول ياترى لو خسيت تاني هيبقى شكلي ايه ..
في دكاتره كتير اوي عاملين على قفانا تجاره والله مش اكتر ومفيش حاجه اسمها تخسي عند دكتور علاج طبيعي لانهم اسمهم اخصائيين علاج طبيعي فقط ملهمش اي علاقه بالتخسيس ولا بالنحافه
انا عارفه ان كل بنت فيكم راحت لاكتر من دكتور تخسيس ارتاحت لحد وكرهت نفسها بسبب حد ياريت تحكيلنا تجربتها وطلعت منها بايه
انا ع اني كنت هموت من الفرح بالخطوبه اللا اني هموت من الحزن والخوف والقلق احسن مااخسضش على مالفرح ييجي ياترى في وقت؟ وفي امل ؟؟؟ هلحق يعني ولا هفضل كده ومفيش وقت ؟
بيجيلي كل يوم كوابيس اني شكلي بشع في الفرح ومش لاقيه فستان على قدي همووووووووووووووووووووت من الرعب
نسيت احكيلكم عن تجربتي مع مدربه الايروبكس التخينه جدااااااااااااااااا اللي كانت بتقعد تنهج على الكرسي وتقولنا اعملوا كذا وكذا وهي مش قادره تقوم من مكانها من كتر التخن معرفش شغلوها في النادي الرياضي على ايه لا وفوق ده كله بتتريق على البنات المليانه
حكاية روح و حياة حكاية روح و حياة 1105203_3.gif فتكات حبوبة Fatakat 1105203 بنـها – أم الدنيا – مصر