ازيكم يابنوتات اخباركم ايه يارب تكونو بخير
انا عملت اكلة امبارح وطلعت روعة واللى اوحتلى بالفكرة
الجميلة شكشوكة بالفلفل
نشوف صورة وبعدين نكمل كلامنا
طبعا الموضوع دة جديد وحصرى اى نعم انا مقتبسة الفكرة لكن انا مجددة نوع الفراخ وطريقة قليه
بس الامانة تحتم انى اشكر مشرفتنا الجميلة فتوكة مصرية 37 لانها صاحبة موضوع وراك مخلية
ومحشية رز تقوليش حمام ودة اللينك بتاعه
https://fatakat.univanet.com/#1114447
المكونات
فراخ بانية متبلة
رز ابيض مغسول
بصلة كبيرة
ملح وفلفل
معلقة سمن بلدى
الطريقة
اولا بتبل البصلة بالفلفل الاسود والملح واضيفهم للرز وعليهم معلقة السمن البلدى زى خلطة رز اللى بنحشى بيه الحمام
بالظبط
وافرد قطعة بانيه واحشيها شوية رز والفه وبعدين احطها فى ورقة فويل وهكذا لحد مانخلص الكمية
كدة خلصت كل الرولات نجهز حلة فيها ماية واول ماتغلى نسلق فيها الرولات لحد السوا
وهى اخدت وقت حوالى نصف ساعة ومع الماية ورق لورا وشوية ملح صغيرة عشان الفراخ والرز متبلين
بعد السلق طلعتها وفكيت الفويل وجهزت البيض والبقسماط للقلى
ونجهز الطاسة والزيت يسخن ونحمر الرولات
وتخرج على ورق نشاف عشان الزيت وتاكلوها بالهنا والشفا
شايفن من الداخل عاملة ازاى
بجد شكلها وطعمها تحفة يجنن وعجبت ولادى وجوزى جدااااااااااااا
اتمنى انكم تجربوها بجد مش هتندمو
وسويت الرز الباقى طعمه خرافة وعملت صلطة طحينة وصلطة خضراء وبطاطس وكان يوم تغيير لذيذ
صورة اوضح للحبايب يلا بقى مستنية رودوكم الجميلة وتقيماتكم يابشرررررررررررررر
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر