طيب ادام رديتوا السلام نكمل
طيب يا حبايبى من فضلكم اعملوا كده علشان الموضوع يتثبت
طيب نتكلم جد بقة شوية بصوا يا قمرات الموضوع اولا من غير اشتراك انا بس عايزاكم تتابعونى وتستفادوا ودى اول حلقة اسمها (ارضى عن نفسك وحياتك مهما كانت ) الحلقة التانية باذن الله هتكون عنوانها (انسى ) وانا موضحاها تحت فى نهاية الموضوع مجرد توضيح الحلقة هتبقة بكرة او بعدة اتمنى تستفيدوا اهم خطوة يا حبايبى هى انك تبقى راضية عن نفسك مش هقول الثقة بالنفس علشان ده موضوع طويل اوى لا هنبدا واحدة واحدة لحد ما نفسيتك تبقى زى الفل باذن الله
المهم نبدا وياريت التركيز يا بنات
نبدا بابسط كلمات الناس بتقولها ودى دلوقتى الشائعة واللى هى
( انا زهقت كل شوية مشكلة ليه الحياة مش كلها سعادة انا تعبت والله تعبت وجبت اخرى طيب هعمل ايه طيب اعمل ايه كل شوايا مشاكل فى البيت وهنا وهناك انا اعصابى تعبت وتفتح بقة فى العياط ) صح على الاقل ممكن تكونى قلتى كام كلمة من دول انا عارفة طيب انا هقولك كلمتين باذن الله هيبقوا حل
يا حبيبتى هديكى مثال بسيط اوى سيدنا ادم اهو اتهنى فى الجنة صح واكل وشرب من حاجات لا تخطر على بالك و اتهنى بالجنة بس على اد ما عاش بسعادة فترة مش مهم كبيرة او صغيرو بس بردوا حصلتلوا مشكله وهى فى اول حياته طيب ده فى الكلام اللى قولته ده فى حكمه جامدة اوى ممكن تكونى اول مرة تاخدى بالك منها وهى ان الحياة ابتدت بمشكلة اه ما هى دى انت مشكلة بالنسبة لسيدنا ادم يعنى احزنته وهى دى الحياة بس لازم نعمل زيه نمشى امورنا ونقول الحمد لله ونتصرف بحكمة وعقل ولازم يا حبيبتى نكمل حياتنا ونقبلها زى ما هى بس نغير فيها اه انا مش بقول كلام انشى ولا كلام نقلاه م الكتاب لا انا بقول كلام جوايا وجواكى ايوة يا حبيبتى بالعزيمة والتفاؤل هتغيرى حياتك زى ما انتى عايزاها اول حاجة اتكتبت عليكى من غير اى اختيار هى عائلتك اه دى امر واقع نقبلهم ونحبهم هيحبونا واحدة واحدة مش على طول الاول نحسسهم اننا بنحبهم وتكون فعلا مشاعر حقيقية وتحاولى تذيدى الصلة طيب اهلم مش عاجبينك مش بيحبوكى ناس مش من مستواكى مش اخلاقك اه بتحصل ناس طمعانين فيكى يا حبيبتى لازم تفهمى ان مفيش انسان كامل هتقوليلى بس انا زهقت هقولك لازم تستحملى فى الاول وتحاولى تغيريهم بحبك لو فعلا حبوكى حب حقيقى هيتغيروا وبعدين ده سيدنا ادم اهو غلط وسمع كلام الشيطان وبردوا السيدة حوا طيب انتى لو جرالك حاجة ولو بعد الشر يارب ما يكتبه على حد حصلتلم مصيبة او مشكلة او حد ضايقك عاكسك اى حاجة مين اللى هيشيلك ويجرى بيكى عائلتك والدتك ووالدك خالتك او خالك عمتك او عمك وبقيت العائلة عيشى يا حبيبتى حبى الناس وعيشى هتلاقيهم زى البيوت فتحوا قلوبهم ليكى يبقى لازم ترضى عن نفسك وتحبيها زى ماهى بس الاخطاء تتغير لا مش صعبة لو عايزة تغيرى نفسك هتغيريها للاحسن طبعا واوعى تتغيرى علشان حد
ووعد هتوعديهولى لحد ما ابقى اكتب الحلقة التانية بعد يومين كده علشان الاول نشوف الحلقة دى جوا قلوبنا وننفذها الوعد هو انك قبل ما تنامى تقولى حاجة لنفسك عايزة اصحى احس انى فى حياة جديدة هنسى اى حاجة اى اى حاجة عارفين كانت فى اغنية مناسبة اوى والله كانت بتقول ازاى يا دنيا مشوفتكيش قبل النهاردة معشتكيش انا كنت فين ……. والباقى بقة بس مش عايزين نفكر ى كنت فين خلاااااااااص خلص منفكرش فيه تانى خلا ص دى كانت اول حلقة وهى ارضى عن حياتك وعن نفسك والحلقة التانية عتكون عن النسيان اه انسى ههنشبك ادينا فى ادين بعض ونساعد بعض على اننا ننسى اللى مضايقنا وانا كمان محتاجة مساعدة زيكم وهنكون مع بعض تانبعونى عن قريب تنزل الخلقة التانية اللى هى (انسى )
الدورة او الحملة من تاليف سارة الكبيرة جوى
متنسوش التقييم وتابعونى
ومتنسوش الردود يا قمرات
الزهرة الربانية الزهرة الربانية 449598_2.gif فتكات هايلة Fatakat 449598 بلد وخلاص – مصر