السلام عليكم ورحمة الله وبركاته
ايه الاخبار يابنات
موضوعنا النهارده هنتكلم فيه عن الدايت واسراره
وايه اسهل الطرق اللى تخلينا نوصل لهدفنا ان شاء الله
بس الاول خلينى اكلمكم عن عنوان الموضوع
(دايت بنات اليوميات )
انا عملته بالاسم ده نسبة لموضوع من انجح المواضيع هنا في المدونة
وهو الموضوع الى جمعنى باحلى بنات واجمل صحبه
الموضوع اسمه يومياتى مع اللى كان خطيبي
اكيد كلكم تعرفوه وبحب اشكر كل بنوته في التوبيك ده
وخصوصا دودى صاحبة الموضوع
لانها بجد كانت سبب في انى عرفت احلى بنات في الدنيا كلها
واللى معاهم هكمل وهنبتدى حلم من احلامنا وهو حلم الرشاقه
وهنكمل باقي احلامنا فى كل مجالات الحياه عموما واحنا مع بعض
ويارب مانفترق ابدا
ندخل بقي في المفيد
اولا كل واحده هتدخل تسجل وزنها وطولها
وعايزين التزام يعنى التزام بجد
ودى مقدمه وشوية نصائح ع الماشي
1_جسمنا فيه مخازن للطاقه المخازن دى هى الى موجود فيها الدهون والسبب في تكوينها النشويات والسكريات والدهون
لو احنا عملنا دايت ومنعنا فيه كل ده يعنى منعنا العيش والارز والمكرونه هننزل تمام اوى اول اسبوع وممكن اول شهر
بعد كده جسمك هيعند معاكى لانك بتخلصي المخازن الى هو عاملها علشان يقدر يديكى الطاقه الى محتاجاها
فيعند معاكى ويوقف عمليه الحرق ساعتها هتحسي بياس فترجعى تاكلي فهو يزيد من التخزين لانو حس بالخطر
فيزيد وزنك اكتر من الاول لا قدر الله
2_هنبتدى كل حاجه بالتدريج نقلل الاكل بالتدريج نتحرك بالتدريج نعمل رياضه بالتدريج لانك لو فاجئتى نفسك بانك تعملى كل ده باقصي ماعندك دلوقت بردو هتتعبي وموش هنكمل
3_لازم تعرفي وانتى هتبداي دايت انو لاتراجع ولا استسلام هقولك ليه لانك لو تراجعتى فى اى اسبوع وبطلتى الدايت وزنك هيزيد تاااانى واكتر من اول وزن يعنى لو بداتى وانتى 90 ك مثلا وبطلتى وانتى 85 ك هتزيدى ممكن توصلي لل100 ك ويبقي ساعتها الوزن الاول كان احسن
4_بلاش نحط الدايت على دماغنا ونفضل طول النهار والليل مخنوقين وزعلانين احنا عاملين دايت احنا عاملين دايت زى الى صايم فى نهار رمضان لالا احنا لازم نحب الى بنعمله ونحس انو الطريق الى هنوصل منه لهدفنا
اى حاجه في الدنيا لذيذه وبنحبها موش هتساوى انك تروحى تشترى ملابس فتشتري الحاجه الى نفسك فيها ومقاسك ينقص نمرة ولا اتنين وموش هتساوى وانتى لابسه فستان فرحك وزى الملكه فيه
5_هنجيب حاجه مهمه اوووى ايه هى هنجيب جيبه كنا بنلبسها قبل مانتخن بس موش من 4 سنين مثلا
لالالا هنجيبها كنا بنلبسها مثلا من سنه وخلاص داقت علينا وهنحطها قدامنا كل اسبوع هتقيسيها وتشوفى وصلتى لفييين
كل ماهتقيسيها وتلاقيها بقت ع مقاسك وشويه بدات توسع وهكذا هتفرحي اووووى
6_هنوزن كل اسبوع بس ممنوع توزنى كل شويه والميزان يكون واحد كل مره منغيرش الميزان ياجماعه
bent elahly bent elahly 343769_1.gif سوبر فتكات Fatakat 343769 المنصورة – مصر