السلام عليكم يا احلى فتوكات
انا عيزة اسألكم عن مستشفى القوات المسلحة فى اسكندرية
بصو بقا انا حامل فى الشهر السابع ادعولى ربنا يكملى على خير واقوم بالسلامة انا والبيبى
المهم انا كنت ناوية اولد فى ماتنرنتيه وابور الماية لانها على اد امكانياتى وسمعت انها كويسة
لكن غيرت رأيى انهاردة وهقولكم ليه
صحبتى لسة والدة من يومين وكنت بتصل بيها عشان اطمن عليها واباركلها
انا كنت عارفة انها كانت متابعة مع دكتور كبير وناوية تولد فى مستشفى الكيس سيدنى
وبالصدفة بتقولى انتى نويتى تولدى فين قولتلها فى الماترنتيه ان شاء الله قالتلى هى الولادة فيها بكام قولتلها القيصرى تقريبا ب 1500 جنيه
قالتلى طيب ما تعملى زيى وتولدى فى القوات المسلحة دى تحفة اخر نضافة ودكاترة اساتذة كلهم ده غير ان ليكى اوضة لوحدك بسريرين عشان المرافق وتلاجة وتليفزيون والخدمة والتمريض والمعاملة فيها اكتر من ممتاز وسعرها مش كتير قولتلها طيب انتى جوزك ظابط فى القوات المسلحة عشان كدة ولدتى فيها لكن انا جوزى شغال موظف فى شركة قطاع عام هولد فى قوات المسلحة ازاى
قالتلى لا عادى فيها حالات مدنى عادية وقالتلى ان فى الاوضة الجنبها وحدة والدة قيصرى ب 1500 جنيه وجوزها محامى ونفس مستوى الخدمة وبتقعدى فى المستشفى من 3 ل 4 ايام على حسب حالتك ما تستقر خالص
الصراحة انا لما قولت لجوزى عجبته الفكرة جدا وقالى هو فعلا مستشفى القوات المسلحة لا يعلى عليها وقالى هيروح ويسال ويشوف هل فعلا ينفع اولد فيها ولا لاء
بس انا كنت عايزة اولد مع دكتورة مش دكتور ودى المشكلة عشان كدة كنت عايزة اعرف دكتورة شغالة فى مستشفى القوات المسلحة عشان اتابع معاها الشهرين الفضلين وهى التولدنى
فجوزى قالى طيب ما تدخلى فتكات واسأليهم لو وحدة ولدت فيها ويكون جوزها مدنى مش تبع القوات المسلحة وايه التفاصيل
معلش طولت عليكم بس انا عارفة انى كل ما بتزنق فى حاجة مش بلاقى غير احلى فتوكات بيفدونى
وجزاكم الله كل خير
@ om adam @ @ om adam @ images/avatars/whiteflower.jpg سوبر فتكات Fatakat 1035724 مصر – اسكندرية
سبحان الله و بحمده