ازيكم يا فتوكااااااااااات وحشتوني اوى اوىىىىىىىى
دى تانى مرة اكتب في القسم ده
المهم علشان اختصر الطريق هحكي لكم
بما ان الشتا داخلة كل سنة وانتوا طيبين وبما اني بحب عصير حمص الشام جداااااا (الحلابســة)
قلت لماما بيتعمل ازاى قالتلي طريقة تقليدية انا عارفة طعمها مش زى بتاعت برة لا لااااا (عم لطفي بالتحديد كان عليه حلابسة حكاية ) الله يرحمه من ساعت لما مات ومحله مقفول
المهــم
دخلت المطبخ قلت لازم اعمله زي عم لطفي بالظبط (بالبركة كده) جبت 3 طماطمايات وضربتهم في الخلاط وصفيتهم من البذر والقشر كويس جدا وحطيت المعصور ده في الحلة ..وجبت بصلة صغيرة قطعتها صغير وحطيتها عليها وفصين توم صحاح و3 كوبايات مية كبار (كل ده ع البارد) وشوية ملح وكمون (حاولى يكون الكمون اكتر حبتين لانه السر في الطعم) وشطة لو تحبي وطبعا تكونى ناقعة الحمص لا يقل عن 4 ساعات علشان ميتعبناش في السلق ونحط الحمص عليهم ونسيبهم يغلوا (على نار هادية الى حد ما علشان عصير الطماطم والحمص يستووا) ولما يستوي نحاول ندور على التوم وننشله من الحلة لان كل الغرض منه يدي الطعم المطلوب بس….
و اشربي احلى حمص شام وحضري نص لمونة
والله اختي في ثانوية عامة كل يوم جابرانى اعملها كوباية
بالهنا والشفا وفي رعاية الله مواضيع هذا القسم برعاية
noora.elnahas noora.elnahas 552038_1.gif فتكات هايلة Fatakat 552038 القاهرة – مصر