بجد كانت مشكلتى اللبن القاطع لانى باضطر ارميه لو قطع منى وجربت اعمله جبنه طلعت فاشله جدا
خصوصا انى باجيب بكميات واحطها فى الفريزر لانى مش باخرج كتير ومش بلاقى حد يجيبلى يوم بيوم
مامتى الاروبه قالتلى على حل سحرى عشان اللبن ما يقطعش منى وانا باغليه
الحل هو
ايون بيكربونات الصوديوم
تحطى رشه منها على اللبن وهو ساقع وانتى بتغليه وتقلبى مش هيقطع معاكى
الحل ده انقذنى اخر مره كنت جايبه حوالى 5 كيلو لبن وطلعت اول كيلو لقيته قطع منى وباظ وطبعا الباقيين كانو هيحصلوه وما سلمتش من ابو سوسو وتقطيمه ليا
جربت الحل ده وفعلا غليت باقى اللبن بدون ما يجبن وبدون مشاكل وعملت احلى مهلبيه وام على منه وما فرقش فى الطعم خاااالص
بس على ما أظن لو هيتشرب ساده ممكن يبقى مش ظريف سنه بس غير كده نجح احسن من انه كان يترمى
جربوه وما تنسونيش بدعائكم لو نجح معاكم وبلغونى بالنتايج
بحبكم فى الله
مواضيع هذا القسم برعاية
أم سوسو 66 أم سوسو 66 فتكات رائعة Fatakat 194273 القاهره – مصر