السلام عليكم ورحمة الله وبركاته
انا كنت كتبت الموضوع دا الصبح ونفسي لوحد يقدر يفيدنى لانى بجد نفسيتي تعبانة جدا من الصبح
انا ترددت انى اكتب الموضوع ومحرجة جدا اسفة لو سؤالي محرج
اانا عندى امساك بقالي 3 ايام
وبعدين وانا في الحمام بقي بينزل دم من فتحة الشرج ودم مش قليل
والمنطقة بتالمنى جدا وحاسة انى مش قادرة اقعد
وخايفة تكون بواسير
انا كان من وقت للتانى ممكن يجيلي امساك وابقي تعبانة وينزل نقط دم قليله
بس ماما كانت بتقولى ممكن عشان الامساك يكون عاملك جرح ودا السبب في الدم
بس بقالي كذا شهر مبيجيليش امساك والامور متظبطة
مش عارفه اية اللي جرالي اليومين دول
وبعدين النهارده ماما قالتلي نروح للدكتور بس انا مستحيل اكشف علي المنطقة دى
مش عارفه اعمل اية
طب ولو طلعت فعلا بواسير اعمل اية اعالجها ازاى ولا اعمل عملية ولا اية انا مش عارفه اتصرف
وفرحى باقي عليه اقل من شهر اعمل اية ارجوكم
وبس بالنسبة للالم مبقاش زي الصبح وبقدر اقعد عادى علي المنطقة .. هل البواسير مبتخلنيش قادره اقعد علطول ولا لوقت مؤقت
والله يابنات حالتى النفسية زي الزفت وقاعدة اعيط
بالله عليكم اللي عندها معلومة تفيدنى ارجوكم
βũţţerfŁỳ βũţţerfŁỳ 373983_22.gif فتكات هايلة Fatakat 373983 مصــــر – مصـــر