السلام عليكم حبايبى ..
كنت كتبتلكم قبل كدة عن النظام اللى ماشية علية ومش باحس معاه بالجوع خالص ومريح جسمى ووشى والحمدلله …
اللى تحب تشترك معايا فى جروب الرشاقة عشان على رمضان والمصيف ان شاء الله نكون اخف وكلنا حيوية ..
عملت جدول متابعة بسيط نقدر بية نحسب إحنا بنخس كل اسبوع اد اية وفى نهاية كل شهر نشوف النتيجة ونكرر ان شاء الله لحد ما نوصل كلنا للوزن اللى إحنا عاوزينة
.. هنا اللى عايزة تبقى معانا تدخل تكتب المعلومات وان شاء الله انا كل يوم الصبح أجمع الإسماء واضيفها للجدول .. والمعلومات المطلوبة هى ::
الإسم :
الطول :
الوزن الحالى :
الوزن المطلوب الوصول الية :
خلاص لحد كدة الموضوع مفهوم والحمدلله …
اى مناقشات تخص النظام دا او استفسار او شات بينا نشجع بعض فية يكون فى الشات دا بس .. ارجوكم دا بس
عشان نخلى الموضوع هنا بس لطلبات التقديم عشان يبقى سهل عليا اشوفة كل يوم واضم الأسماء للجدول وميبقاش صعب عليا ادور فى عشرات الصفحات ..
طبعا انا ماشية على النظام دا بقالى 10 ايام يعنى اللى عايزة تسأل على اكل ولا شرب ولا اضافة او الغاء حاجة فية يبقى نقولها فى الشات ان شاء الله ..
ونتكلم هناك برضو عن الرياضات اللى ممكن نمارسها عشان منع الترهل ونتابعها مع بعض ..
وممكن الفتوكات الحلوين اللى ساكنين جنب بعض ومشتركين فى الجروب ينزلوا يتعرفوا على بعض ويتمشوا كل يوم شوية رياضة ..
يبقى إتفقنا هنا بس للطلبات وهناك فى الشات للرغى والكلام وكل حاجة .. انا هانزل الموضوع هنا وهاروح على الشات عشان نتكلم فية ..
وهنا اللى يحب ينضم يكتب المعلومات بس وينضم لينا فى الشان نتكلم هناك ..
الشات اهو تانى ..
شات جروب انا رشيقة وخفيفة فى الصيف
دا الجدول
الساعية الى الجنة الساعية الى الجنة 158766_3.gif فتكات هايلة Fatakat 158766 ارض الله – مصر