صباااااااااااااااااااااااااااااااااااااااااااااااا اااااااااااااااااااااح الخيرررررررررررررررررررررررررررررررررررررر
يا بنااااااااااااااااااااااااااااااااااااات يااااااااااااااااااافتوكاااااااااات يا جميلاااااااااااااات الحاضر والمستقبل
مبدأياً كده
احنا هنبدأ ف الجروب ده بأذن الله من اول يوم في السنه الجديده
عشان تبقي سنه جديده سعيده وبيضه يعني من يوم الخميس
هتبدأ التقارير الجميله هااااا الجميله وان شاء الله ربنا هيكرمنا
يعني من اول يوم 112015
هتبقي سنه جديده وهيبقي في اولها مشروع مزه وفي نصها نص مزه
وفي اخرها مزه كامله
هدفنا علي العيد نلبس لبس جديد
واللي هيلتزم وهيفضل معانا من اول الجزء التاني من الجروب هيبقي في مسابقات والقاب هتطلق علي اعضاء الجروب
وغير كده كفايه انك لو التزمتي هتخسي وهتفرحي وهتلبسي وتتطنططي
انما بقي هتدلعي وهئ ومئ وطبله ورق
هتدخلي في جزء الجروب اللي هيبقي قبل العيد تلقينا مزز وانتي لا
اديني اللقيمه بسرعه ده كان جروب قبل كده وانا صاحبته برضه بس هعمله اعاده من جديد
لان الجروب ده مشاء الله كان في تفاعل شديد وناس جميله منهم اللي خسوا ومنهم اللي لسه مخسوش
بس احنا مش هنيأس بأذن الله
ده جروب تخسيس ايوه ع اساس يعني انك مش واخده بالك منك ليها انكم في قسم الرشاقه
طيب هنعمل ايه بقي الجروب ده من الاول كده زي مبيقولوا هيبقي بيتك التاني
حياتك التانيه اللي بتهتم بحياتك الاولنيه اللي هي بيتك واولادك او اهلك اللي عايشه معاهم او اهلك وخطيبك
طيب اتفقنا لحد هنا الحمد لله يارب المفروض يعملوا ايموشن واحد بيبوس ايده شعر ودقن اقصد وش وظهر
المهم بقي ايوه اي المهم
دلوقت انا هشرح احسن 3 انظمه وهيبقوا الانظمه الرئيسيه والاساسيه للجروب وهما اللقيمات والكلاسيكي
والصيام العكسي
ليكي الحريه التامه انك تدمجي اللقيمات مع الصيام العكسي
او
الكلاسيكي مع الصيام العكسي
او
تمشي علي نظام واحد اللي يريحك اعمليه
(عايزه بقي تمشي علي نظام تاني انتي لكي الحريه التامه ولكن النظام يكون صحي )
ولازم تقوليلنا هتمشي علي ايه انا عامله لينك انظمه في معظم وليس كل الانظمه الصحيه اللي
مش هتأثر عليكي بعد متسبيها وكل مبلاقي نظام صحي جديد بنزله ف اللينك ده
ده اللينك الانظمه
انظمه غذائيه صحيه للعلاج السمنه
قبل متكلم عن الانظمه انتي بتخسي لنفسك قبل اي حد فاهمين
بتخسي عشان تلبسي لبس جديد عشان تخرجي من غير متتكسفي
عشان تبقي جميله ف نظر نفسك فوق ماانتي جميله وبعدين بقي عشان الناس اللي مبترحمش وبتتكلم ف الحلو والوحش ملكيش دعوه بيهم دول ناس هبل وبيحبوا يرغوا ويسلوا نفسهم خليهم يتسلوا وانتي تاخدي حسانتهم عاتي عاتي )
النظام الاساسي رقم 1
(اللقيمات)
وشرح وافي وشامل
* علم اللقيمات توصل له ادكتور الهاشمى من قول الله تعالى فى الاية 31 من سورة الاعراف ( يَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ ) وكذلك من الحدي الشريف لرسولنا الكريم صلى الله عليه وسلم " ما ملأ آدمي وعاء شر من بطن، بحسب ابن آدم لقيمات يقمن صلبه، فإن كان لا بد فاعل فثلث لطعامه وثلث لشرابه، وثلث لنفسه"
* واللقيمات هى أقل كمية من الطعام تكفى لاعطاء الانسان الطاقة الكافية لحركته ، وأى نوع من الطعام بغض النظر عن مقدار السعرات الحرارية التى يحتويها يمكن أن يستخدم كلقيمة .
وتقوم فلسفة "اللقيمات" على عدم الاهتمام بنوعية الأكل وأوقاته فلا يوجد أكل ممنوع أو إفطار أو غذاء أو عشاء ، بينما ترتكز المعاملة على مركز في المخ اسمه" فرس البحر" هذا المركز اكتشف العلماء في السنوات الخمس الأخيرة عدة حقائق عجيبة عنه : 1- المسئول عن الذاكرة 2- المسئول عن النهم حيث الإنسان قد لا يكون جوعان لكنه يأكل لوجود الأكل أمامه . 3- مسئول عن الإدمان بجميع أنواعه " الخمور – المخدرات – التسوق – الأكل … إلخ " 4- اكتشف في السنوات الأخيرة الماضية أنه المركز الوحيد في المخ الذي تتجدد خلاياه كل أسبوع .
ديه معلومات بسيطه كده يارب تكون فدتكم
ما هو رجيم اللقيمات
————————
5 لقيمات+وجبه كبيره مفرحه
امثله اللقيمات
—————–
1-ربع رغيف بلدي او نص فينو او شريحه توست
بأي غموس مثل(معلقه مربي / معلقه جبنه / معلقه عسل / معلقه حلاوه / 3 معالق فول او قرص طعميه)
او نص سندويتش فول او طعميه من المطعم او نص سندويتش فاست فودز (مره واحده اسبوعيا)الفست فودز زي كنتاكي وماكدونلز
2-كوب عصير او كوب لبن او كوب بيبسي او معلقه علقه زبيب او نص كوب سحلب او قد نص الكف كرواسان او 4 بسكويت ساده او قطعه فطيره قد نص الكف
3-نص كوب رز بالبن او نص كوب مهلبيه او كورن فليكس او نص بليله
او نص جيلي او نص شوفان بالبن وهكذا ………………….
4- فاكهه نص كوب كريز او فراوله او عنب او 2برقوق او جوافايه كبيره او 2 خوخ صغير او كوب الا ربع بطيخ او شمام او 3 بلحات او 3 تمر او موزه اوبرتقاله الخ……..
5-الخضاؤ -جزره او 2 خياره او بادنجانه صغيره او طكطمايه او كوب كبوتشي الخ……..
6-نص كيس شينس من ابو 1 جنيه او كيس من ال بنص
او مثلث بيتزا او فنجان لب او نص ترمس او فنجان مكسرات او كوب فشار او نص كوب من اكل البيت
اكل البيت (محشي – خضار – شوربه خضار – لسان عصفور- رز)
7- لقيمات الحلوي بسبوسه قد ثلث الكف او 2 صوباع جولاش
او 3 لقمه القاضي او قطعه جاتو اد ثلث الكف او نص كوب ايس كريم او نص كونو او علبه زبادي فواكهه)
8-لقيمات بروتين نص علبه تونه حاف او سمكه صغيره او نص علبه سلمون حاف او قطعه فراخ صغيره
الوجبه المفرحه
——————
كوب ونص من اكل البيت +كوب ونص سلطه + قطعه حلوي قد علبه الكبريت(ملحوضه :اللي هتستهبل وتقيس علي علبه كبريت كبيره هجبها من شعرها قدام جروب كله)
ملحوظات هامه
————————
1-الفرق بين اللقيمات من 2 او 3 او 4 ساعات
2- ليكي خمس معالق سكر
3-المياه مهمه جدا جدا جدا جدا
4-ممنوع المقليات اول 3 شهور
5- الفطار مهم جدا جدا وليكي معاها كشروب هديه
بالنسبه للبنفسجيات مهمه جدا جدا
هي
البرقوق الاحمر او الاسود
التوت الاحمر او الاسود مهم جدا
العنب الاحمر او الاسود
القرسيا
العسل الاسود
الفلفل الاحمر
الزبيب الاسود
البذنجان الاسود او الموف بقشره
الفراوله
الكريز
الكرنب الاحمر
مربه التوت و الفروله
الخوخ
النكتارين (نوع من انواع الخوخ)
الفلفل الرومي بأنواعه والالوان ده
الزيتون الاسود
الفجل الاحمر الاكثار من البنفسجيات وهي مضدات الاكسده
وهي تساعد علي تكوين الدهون البنيه
وهذه الدهون تساعد علي حرق الدهون البضاء المضره
مثلها مثل الغده الدرقيه
و يجب الاكثار منها لاول 3 شهور
نظام اللقيمات السريع بيبقي من غير وجبه
وبيبقي اليوم 7 لقيمات
النظام القاسى الجميل
هذا البرنامج قاسى…. لانه بنى على التقشف…فى صغر احجام الطعام
ولكنه جميل ..لانه بنى على طاعة الله ورسوله
كثيرات منكن تفضلن نزول سريع للوزن فى
بداية فصل الربيع…لذا فعليها ان تتبع اسلوبى الذى اطلقت عليه اسم "القاسى الجميل"..اسبوعا…ثم اسلوب اللقيمات المعتاد اسبوعا آخر…وهكذا بالتناوب
لهذا لنا ان نتناول يوميا …
من 4- 5 لقيمات ممتعة (تفضل نصف تفاحة بقشرتها+اما 20 جم شيكولاته..او علبه زبادى بالفاكهه)
و قبل كل لقيمة…..
1…من كوب-..الى … كوب ونصف ماء
2……بالاضافة الى نصف كوب شاى او نسكافيه باللبن ومعلقة سكر(اختيارى)
ثم آخر النهار نتناول:
1…. مثلث بيتزا واحد …أو. نصف رغيف.(=نشويات مع خمائر)
2……مع قطعه جبن جوده لايت بحجم البيضه… او بيضه مسلوقه…. او معلقتين تونه
…أو قطعة لحم او قطعة دجاج او سمك صغيرة.. بروتين فى حدود 100جم)..
3…….مع كوب واحد سلاطة خضراء فيتامينات والياف)
4…..مع نصف كوب….. ببسى… او مياه غازيه…او ماء(=سوائل ممتعه)
ولاشيئ اكثر من ذلك
هذا الدايت يحقق لنا تناول النشويات والحلويات والبروتينات والفاكهة والخضروات والماء…(وقليل من الدهون).اننى استخدم هذا الاسلوب الذى اسميه"رجيم اللقيمات القاسى الجميل"لمدة اسبوع .ويكرر….مرتين فى الشهر.. حتى يتحسن تنفس الانسان وحتى ينكمش الكرش و….. الارداف…فيتسع البنطال..والقسوة هنا مؤقته ..(اسبوعان فقط من كل شهر)
اللقيمات السريع والحارقه هتلقوهم في لينك الانظمه
النظام الاساسي 2
(الصيام العكسي)
ده من الاخر كده
بتقفلي اكل من الساعه 6
بعد الساعه 6 ممنوع السكريات تماما
والاكل كله
عايزه تشربي بعد الساعه 6 حاجه تبقي شاي اخضر او اعشاب وبدون سكر
عشان كده لو عايزه تحطيه مع اللقيمات او الكلاسيكي
مش هيضرك يعني
ولكن ممكن ف الصيام العكسي قبل النوم علطول تاخدي كوبايه زبادي عليها نص لمونه معصوره بتزود الحرق
النظام الاساسي 3
(النظام الكلاسيكي)
الفطار ————->ربع رغيف بأي نوع جبنه (شريحه جبنه رومي او قطعه جبنه بيضاء او قطعه جبنه قريش او 4معالق فول بدون زيت او قرص طعميه صغير) او هنبدل الربع رغيف بالغموس بثمرتين فاكهه
الغداء ———-> ربع رغيف او 3معالق رز او 9مسلوق او 3معالق مكرونه او او 9 مسلوقه او رغيف سن +طبق سلطه كبير +طبق خضروات كبير سوتيه او ني ×ني +ربع فرخه او قطعتين لحمه او 2سمكه وسط مسلوق او مشوي السناك —————–> خيارتين او خس او كبوتشي العشاء——————>كوب زبادي +خيارتين او كوب زبادي +ثمره فاكهه
_________________
الرياضه مهمه جدا ابدأي ب 10 دقايق ف الاول وزودي حبه حبه
ممنوع الرياضه العنيفه او التمارين العنيفه لانها بتعمل ترهلات بعد كده
واحسن حاجه المشي مش يعمل ترهلات وبيشد الجسم
تعليمات هامه هامه هامه
————————————
1- كتابه التقرير يوميا وممنوع الغياب يومين ورا بعد
2-الالتزام بالعبادات (الصلاه واذكار وقران و حاولي تتصدقي لو ربع جنيه او لقيمه لاي حد محتاج او( ابتسم ف وجه اخيك صدقه واكيد كلنا هنقضيها ابتسمات وضحك كمان هههههههههه )
الميززززززان كل اخر شهر محدش يوزن في نص الشهر الا اللي ماشي مع دكتور واوكشن ولا مش اوكشن
معلش ارجوكم ارجوكم ارجوكم ابوس ايديكم مشوفش واحده تشترك وهوب
تشترك النهارده وبكره تختفي لا يعني لو سمحتم مش عايزين احباط
اصل اللي بيحز ف نفسويتي ان تدخلوا تشتركوا تاني يوم تختفوا طيب اعملي باشتراكك ياشيخه واكتبي تقريرين بس اللهي يخليكي ياشيخه
ஹ ஸ ௮ ன ப ம உ ஊ ௌ ொ இ
في رعايه الله
ஹ ஸ ௮ ன ப ம உ ஊ ௌ ொ இ
مع تحياتي بصحه دائمه ورشاقه قدامه
مديره الجروب
رودي
مشرفه الجروب
روشا
وعلي فكره احنا اخوات
الحياه قفل والناس مفتحها الحياه قفل والناس مفتحها 731999_18.gif سوبر فتكات Fatakat 731999 القاهره – مصر