رجيم اللقيمات
رجيم من غير حرمان
وهتخسي اوي كمان
ما هورجيم اللقيمات
————————
5 لقيمات+وجبه كبيره مفرحه
امثله اللقيمات
—————–
1-ربع رغيف بلدي او نص فينو او شريحه توست
بأي غموس مثل(معلقه مربي / معلقه جبنه / معلقه عسل / معلقه حلاوه / 3 معالق فول او قرص طعميه)
او نص سندويتش فول او طعميه من المطعم او نص سندويتش فاست فودز (مره واحده اسبوعيا)الفست فودز زي كنتاكي وماكدونلز
2-كوب عصير او كوب لبن او كوب بيبسي او معلقه علقه زبيب او نص كوب سحلب او قد نص الكف كرواسان او 4 بسكويت ساده او قطعه فطيره قد نص الكف
3-نص كوب رز بالبن او نص كوب مهلبيه او كورن فليكس او نص بليله
او نص جيلي او نص شوفان بالبن وهكذا ………………….
4- فاكهه نص كوب كريز او فراوله او عنب او 2برقوق او جوافايه كبيره او 2 خوخ صغير او كوب الا ربع بطيخ او شمام او 3 بلحات او 3 تمر او موزه اوبرتقاله الخ……..
5-الخضاؤ -جزره او 2 خياره او بادنجانه صغيره او طكطمايه او كوب كبوتشي الخ……..
6-نص كيس شينس من ابو 1 جنيه او كيس من ال بنص
او مثلث بيتزا او فنجان لب او نص ترمس او فنجان مكسرات او كوب فشار او نص كوب من اكل البيت
اكل البيت (محشي – خضار – شوربه خضار – لسان عصفور- رز)
7- لقيمات الحلوي بسبوسه قد ثلث الكف او 2 صوباع جولاش
او 3 لقمه القاضي او قطعه جاتو اد ثلث الكف او نص كوب ايس كريم او نص كونو او علبه زبادي فواكهه)
8-لقيمات بروتين نص علبه تونه حاف او سمكه صغيره او نص علبه سلمون حاف او قطعه فراخ صغيره
الوجبه المفرحه
——————
كوب ونص من اكل البيت +كوب ونص سلطه + قطعه حلوي قد علبه الكبريت(ملحوضه :اللي هتستهبل وتقيس علي علبه كبريت كبيره هجبها من شعرها قدام جروب كله)
ملحوظات هامه
————————
1-الفرق بين اللقيمات من 2 او 3 او 4 ساعات
2- ليكي خمس معالق سكر
3-المياه مهمه جدا جدا جدا جدا
4-ممنوع المقليات اول 3 شهور
5- الفطار مهم جدا جدا وليكي معاها كشروب هديه
بالنسبه للبنفسجيات مهمه جدا جدا
هي
البرقوق الاحمر او الاسود
التوت الاحمر او الاسود مهم جدا
العنب الاحمر او الاسود
القرسيا
العسل الاسود
الفلفل الاحمر
الزبيب الاسود
البذنجان الاسود او الموف بقشره
الفراوله
الكريز
الكرنب الاحمر
مربه التوت و الفروله
الاكثار من البنفسجيات وهي مضدات الاكسده
وهي تساعد علي تكوين الدهون البنيه
وهذه الدهون تساعد علي حرق الدهون البضاء المضره
مثلها مثل الغده الدرقيه
و يجب الاكثار منها لاول 3 شهور
الرياضه مهمه جدا ابدأي ب 10 دقايق ف الاول وزودي حبه حبه
ممنوع الرياضه العنيفه او التمارين العنيفه لانها بتعمل ترهلات بعد كده
واحسن حاجه المشي مش يعمل ترهلات وبيشد الجسم
تعليمات هامه هامه هامه
————————————
1- كتابه التقرير يوميا وممنوع الغياب يومين ورا بعد
2-الالتزام بالعبادات (الصلاه واذكار وقران و حاولي تتصدقي لو ربع جنيه او لقيمه لاي حد محتاج او( ابتسم ف وجه اخيك صدقه واكيد كلنا هنقضيها ابتسمات وضحك كمان هههههههههه )
3-واللي هتغيب غيرها هيشترك و هتتشال من الجدول وده ملناش فيه غرض
ده عشان عزيمه البنات متقلش
4-كل اسبوعين هنغير الرجيم وهكتب حاجه جديده وده عشان وزننا ميسبتش ينزل بسرعه بس احنا مش هنفير اللقيمات احنا هنبتكر وننوع فيهنظام اللقيمات السريع بيبقي من غير وجبه
وبيبقي اليوم 7 لقيمات
تجاربتي انا و روشا
روشا خست ف شهرين 16 كيلو
انا خسيت 4 كيلو ف اسبوع
ووحده معرفه خست في 6 شهور 30 كبلو وساعات كانت بتلخبط
(ملحوضه جسم عن جسم بيفرق)
اسماء المشتركات
اللي هتقيمهم روشا
منمن
اميمه
قريبا ماما
نونا هاني
مدام ايمان
عسل الدنيا
نوراجو
ام الستير
تومي
روما
لموسه
قلب النيل
وروضه انا
اللي هقيمهم انا
مالك قلبي كوكو
مصريتي عزتي
مشمش ( مفيش عياط)
ام كيمو
يامر(لو كلت محشي هضربها)
روشيه
روشه طحن
هنود
كلمات وهمسات
اللي مش زملكاويه
لوكو
روشا رشيقه جدا
ملحوظه روشا الدلوعه بقي اسم الاكونت بتاعها روشا رشيقه جدا
الهدايا
طبها اللي هتخس ليها هدايا
اكتر واحده هتخس هتبقي ملكه الجروب
التانيه اميره الجروب
الثالثه رشيقه الجروب
و اكتر واحده مش هتخس هتبقي سلحفاء الجروب
وهديهم صور يحطوهم ف التوقيع
الملكه
الاميره
الرشيقه
السلحفاء
بالنسبه للجداول ف خلال 3 ايام هيخلصوا
الوزن سبت اه وسبت لا يعني كل اسبوعين
مع تحيات رودي و روشا
الحياه قفل والناس مفتحها الحياه قفل والناس مفتحها 731999_18.gif سوبر فتكات Fatakat 731999 القاهره – مصر