السلام عليكم ورحمة الله
الحمدلله والصلاة والسلام على رسول الله
كل يوم مصممة بردو اكتب برغم ان فيه ناس كرهوني وكرهو كتاباتي ومصممين اني مكتئبة وحزينة وقاعدة ادبدب في الارض زي الدبة اكتر منا اساسا
على فكرة احب انوه لكل قارئ سمييييييين لمواضعي انه لازم يكتئب
بس انا خلاص مش هسمع كلام حد هسمع كلام نفسي بس
الحقيقة اكتر حاجة حباها في المدونة اني حاسة اني وسط ناس نفسها تخس ودا لوحده كفاية ليا اني اتكلم حتى لو مفيش حد عايز يسمعني..
انا مش بتهم حد انا عارفة ان اسلوبي غريب بس صدقوني هتلفو هتلفو وترجعو للاصل…الارادة
الارادة اللي احنا مش بنفهمها كويس وكلنا مغيبين ومفكرين انه فقططططططط ما علينا الا اننا نكون طاحونة تفضل تشتغل وكأن مثلا الحل انك تقفلي بوقك وتعملي ريجم
لكن انا واثقة انه قبل ما نقفل بوقنا نقفل عقولنا وقلوبنا اللي استسلمت للشهوات ولعدم الرضا ولعدم القناعة ..ايوا هو دا الحل الحقيقي هي دي الارادة
احنا لما بنعبد ربنا ولله المثل الاعلى مش بنعبده عشان عايزين نعبد احنا بنعبد لان الله يستاهل العبادة يعني الافعال لم تأتي الا بهدف والهدف هو وجود الله تعالى عز وجل .
المقصود ان الهدف ليس هو الريجيم في حد ذاته الهدف هو ارضاء العقل والقلب بما يرضينا ويرضي انفسنا حتى نكون على قناعة بمرضاة الله
لكن بصراحة مش شايفة ان معظم المصابين بالسمنة والمصابين بنوبات الريجيم حاسيين بالكلام دا
في النهاية احب اقولكو انجازاتي المتواضعة ودا ليس تكبرا مني وهذه الانجازات لم تأت الا بعد تغيير الارادة الداخلية الحقيقية بالصدق :
1-اني حاليا خلاص بقى نظام حياتي تلقائيا اني فرحانة جدا بدون رز ولا عيش ولا حلويات لاني حسيت فعلا بأضرارهم
2- مش حابة الاكل زي زمان ولا متلهفة عليه زي زمان وحاسة اني اقدر امسك نفسي جدا حتى بعد الريجيم طبعا بفضل الله
3- حتى في ايام الكسر مش مستنياه اوي زي زمان ولا حتى عندي شوقة رهيبة للشوكولاتة
في النهاية احب اسأل نفسي واسأل اللي حابب يقرى انت بتاكل كتير ليه؟؟؟ مع ثقتك الكاملة ان الاكل الكتير يضر جسمك؟؟
بتحب الاكل اكتر من نفسك ؟؟!!معقولة وصلنا لكره الذات؟؟؟ ولا احنا اعتدنا الالم واصبح جروحنا ليست في مقتل؟؟؟!!
أتمنى المشاركة اسفة للاطالة واسفة للازعاج بس صدقوني انا مش حزينة ولا مكتئبة انا فرحانة جدا اني شايفة ادامي الطريق الصح والحمدلله رب العالمين
دي مشاركاتي القديمة لو حابين تعرفو عني اكتر
نفسي في صداقة للتخسيس https://fatakat.univanet.com/#2443189-2
حقا انها سنوات الضياع..نوبات الريجيم https://forums.fatakat.com/showthread…9#post60400099
حملة انا مش عايزة اخس انا عايزة احس https://fatakat.univanet.com/#p60543027
هل حقا نحن نأكل لكي نعيش ام نعيش لكي نأكل؟؟ https://fatakat.univanet.com/#2460630
sam_smile sam_smile 580810_1.gif فتكات ست الكل Fatakat 580810 المحلة – مصر