ازيكو يا بنات يا عسلات عاملين ايه
انا النهارده عملتلكو الفته بشكل كويس
يارب يعجبكم
ودى صوره تشجيعيه كالعاده
طبعا المقادير معروفه
لحمه مسلوقه
رز
عيش
والصلصه اللى هنحطها ع الوش
وشوربه طبعا
واى خضار لتزويق الطبق
اولا
ده كده العيش انا قطعته زى ما انتو شايفين كده
قطع لا كبيره ولا صغيره لا طويله ولا رفيعه ههههههههههههههههههه
وبعدين جيبت صينيه وحطيت فيها معلقه سمنه صغيره يا بنات عشان احنا مش عايزين العيش يشرب سمنه كتيره والفته تطلع دسمه
كفايه انها اسمها فته
يعنى الرجيم كده ولا كده خلاص باظ
ههههههههههههههههههه
انا هنا اهو ابتديت احمره فى الزيت
طبعا هى مش تحميره بمعنى الكلمه هى يادوب تشويحه لحد ما تحسى انه دبل كده او جمد نوعا ما
والحركه دى بنعملها يا بنات عشان لما نحط شوربه عليه يفضل محتفظ بقوامه وميعجنش
وممكن طبعا تختصرى انتى الخطوه دى بانك تحمصى عيش فى الفرن بتاعك وبعدين تكسريه وتحطيه وتسقيه بالشوربه علطول
بس احنا فى البيت واخدين ع الطريقه دى
فعشان كده عملتها بيها
هنا انا لسه بشوح فيه
شوفو ابتدا بمسك نفسه ازاى
اهو يا بنات
انا كده قفلت عليه
هو ده المنظر اللى احنا عايزينه
يعنى انتى لو مسكتى قطعه منه دلوقتى هتلاقيها مش ناشفه ولا طريه وهو ده الشكل اللى احنا عايزينه للفته
وهنا بقى حطيت الشوربه عليه
وبعدين ركنته لحد ما اعمل الصلصه
نيجى بقى للصلصه
مقاديرها
توم
معلقه طماطم متسبكه
معلقه صلصه
خل
ملح وفلفل وشطه وبهارات بقى زى ما تحبى
انا جيبت طاسه محتاسه اهه وحطيت فيها معلقه سمنه وبعدين التوم اهو
وبعدين لما ابتدا يحمر حطيت معلقه الطماطم المتسبكه اهه
وبعد ما قلبتها كويس مع التوم
حطيت معلقه الصلصه كمان معاهم اهه
وبعدين نزلت بقى بالاساس هههههههههه
اللى هو الاستاذ خل
وبعدين سيبتهم ياخدوا غلوه خفيفه كده مع بعض ع الماشى
اهم
وده الرز كنت مجهزاه وقلبته تقليبه صغيره كده عشان بفك من بعضه وببقى مفلفل
وبعدين جايبه الاناء او الشكل اللى عايزه التورته تطلع على شكله
وحطيت فيه الرز وفرغته من النص كويس عشان احط العيش اهو
وهنا اهو انا حطيت العيش اللى كنت شوحته من شويه وسقيتوا بالشوربه
بس كده وبعدين قلبتها فى طبق التقديم اهو
اهه كمان
ودى كده لما حطيت الصلصه ولسه هكمل تزويقها ان شاء الله
استنونى فى المشاركه الجايه
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر