السلام علكم ورحمةالله وبركاته
اهلا بيكم يا احلى صحبه يارب تكونو بخير
ودفيانين علشان الجو يارب سلم المهم انا النهارده اتشجعت وعملت بروست وبصراحه كانت فكره رائعه
جبت فراخ واستعنت بالله وبدأت قولت لازم اعرف حبايب قلبى على الطريقه المهم
جبت فرختين وقطعتهم زى ما فى الصوره كده ماشى وغسلتهم كويس بالملح والليمون والخل
وبعد كده تجيبى 3ك دقيق زى ما فى الصوره
وبعد كده تضيفى عليهم التوابل
الملح-كارى-ببريكا-خلطة توابل من عند العطار-فلفل اسمر-بصل بودر-توم بودر-5فصوص توم
مهروس-ولو عوزاها حاره ضيفى شوية شطه حمرا -وبعد كده ضيفى للخليط ده شوية لبن رايب او كوبايتين
زبادى وضيفى ميه مش كتير لحد ما يكون تماسكها
زى كده تماسك كريمى كده مش خفيف
ولا تقيل زى ما فى الصوره بالظبط
ونحط الفرخ فيها وسيبيها من 3 الى 4
ساعات علشان تشرب التتبيله بتاعتها وزى ماشيفين مغطيه الفراخ خالص كده
وبعد ما تتبل عاوزين نحضر للقشره
الخارجيه اللى احنا عارفينها لما بنشتريها من كنتاكى بتكون مقرمشه وبتكون روعه بنجيب 2كوب دقيق-
وشوية توابل حسب حريتك بقه زى اللى فاتوا تقليلى تزودى براحتك بس خالى بالك بلاش تكترى ملح لانها شاربه ملح من التتبيله اللى فاتت
تجيبى قطع الفراخ وتتبليها
فى الدقيق المبهر ده وتلفيها يمين وشمال علشان تشرب دقيق لان زى ما قلت هى دى القشره اللى بره
اه نسيت اوعى تغسليها من التتبيله اللى فاتت سيبيها عليها
وبعدين ده شكلها بعد اضافة الدقيق
عليها مغلفها من كل حته وبعد كده حطيها فى التلاجه ربع ساعه كده وبعدين فى زيت كتييييييييير حمريها
اهم حاجه بقه فكرة الزيت لازم درجة حرارته تكون عاليه وبعد ما تبداى تحمريها متوطيش النار ومتقلبيش كتير
وبعد ما تنشف وطى النار خالص وسيبيها علشان تستوى من جوه المهم تفضل على النار حوالى ربع ساعه وبعدييين هتكون
بالشكل ده وماشاء الله على طعمها فعلا روعه ناشفه ومقرمشه من برا وطريقه ومستويه من جوه فعلا رائعه جربوها ومش هتندمو ابدا وحضرى معاها عيش وسلطة طحينه وكاتشيب وبطاطس مقليه او رز بشعريه او مكرونه حسب رغبتك انتى بس على شرط ادعولى بصلاح الحال لجوزى ولجميع المسلمين واوعو تنسو تقيمولى ممتازززززززززززز
مواضيع هذا القسم برعاية
ام عمر فوده ام عمر فوده 906921_7.gif فتكات رائعة Fatakat 906921 جده – السعوديه