السلام عليكم و رحمة الله و بركاته ..
حلمت اللهم إجعله خير … إني كنت مع خطيبي السابق في مكان زي سوبر ماركت كبير و إني بعيط عياط من غير صوت و بقوله إني عمري ما خنته مع جوز أخته و بحلفله بـ الله العظيم تلات مرات تقريباً مش فاكرة .. و أنا بحلف قام هو عينه دمعت و بئه بيعيط و بعدين زي اللي مسك إيدي و رحنا محل و إشترى ليا إسورة حلوة اوي عشان يراضيني لونها فضي و فصوصها بتلمع و عجبتني أوي .. و بعدين إتغير الحلم و كأنه خطيبي عندي في البيت بس مش زي بيتنا في الحقيقة و بعديها خرج و أنا قال إيه إفتكرت الهدية فمالقيتهاش معايا و قعدت أدور و زي اللي بدور تحت قعدت الكنب و مالاقيتهاش و بعديها جات صحبتي و في إيديها خبز بيتباع في السعودية إسمه تميس و كانت جايبالي منه قرصين كبار و كانوا سخنين و ريحتهم حلوة و أنا زي اللي قطعت منه حتة و أكلت .
مع العلم إني في الحقيقة كان كلامي محدود مع جوز أخت خطيبي السابق و ماكانش في إلا كل إحترام و الحمد لله
الحالة الإجتماعية : كنت مخطوبة و فسخت و حاليا عازباء
خطيبي يبقى إبن خالتي و هو خاطب حالياً
صحبتي عازباء
حالتي الدينية : متوسطة
طالبة جامعية
LoLeta LoLeta images/flowersavatars/avatar0015.jpg فتكات حبوبة Fatakat 1097411 المدينة المنورة – السعودية
