السلام عليكم يا فتوكاتي انا اول مرة اكتب في القسم هنا ياريت تعجبكم الوصفة دي انا بحبها جداااا وطعمها تحفة خصوصا لو عندك اطفال هيحبوها اوي لانها شبه الي بتتعمل في المطاعم وكله بالصور علشان اسهلها عليكي ان شاء الله اولا وصفتنا اسمها كوردن بلو
يالا ندخل المطبخ كدا برجلنا اليمين ورايااا ع الوصفة
اول حاجة نجهز المقادير بتاعة وصفتنا
اولا تجيبي صدور فراخ
بعد كدا نجيب لانشون فراخ او رومي مدخن زي ما تحبي او لو عاوزة لانشون عادي براحتك بردو بس بالفراخ احلى
وتجيبي معاه جبنة رومي او شيدر
ونجهز بضتين
وخلة اسنان
وبقسماط ودقيق وتوابل ( ملح وفلفل وحتة كسبرة ناشفة وحتة شطة صغننة وقرفة وبشرة جوزة الطيب صغننة)
خلاص جهزنا حاجتنا يالا بئا ع الشغل
نجيب اول حاجة صدور الفراخ ندقها زي البوفتيك كدا كويس خالص
بعد كدا تفرديها وتحطي جواها شريحة جبنة وعليها شريحة لانشون ولو عاوزة تضيفي عليهم مشروم او زيتون مفيش مشاكل وبعد كدا تحطي عليها شريحة جبنة تاني هيكون شكلها كدا
بنلفها يا فتوكات زي ما بنلف ورقة الكرنب او ورق العنب علشان الحشو يكون جواها ونقفلها من كل النواحي بالخلة زي كدا
بعد كدا نحطها في البيض طبعا هنكون ضربناه كويس وحطينا عليه ملح وفلفل كدا
بعدين نطلعه ونحطه في الدقيق وبنكون حطين ع الدقيق ونحط في الدقيق بردو شوية ملح وفلفل بس كله قليل قليل علشان الملح ما يزدش في الأكل ويبوظ
بعد كدا هنطلعه ونحطه في البيض تاني وبعديين هنحطه في البقسماط ودا بئا هنكون حاطين عليه كل البهارات الي فوق الي قولنا عليها كدا
بسست استنو هقولكو سر خطييييييييير ركزو معايا
عاوزة تخليه مقرمش كدا وطعمه وااو هقولك
شيلي البقسماط دا وحطي بداله التميز عارفينه طبعا او لو مش متوفر هاتي كسين دوريتوس بالجبنة الي هو دا
بعد ما ناكل منه شوية اطحني الباقي وبدل ما تتستخدمي البقسمات هنستخدم دا صدقيني الي هياكله مش هيصدق ان دا معمول في البيت ابدااااا
بعد كدا نجيب القلاية بتاعتنا ونحط فيها زيت كتييييييييير ونسيبه يغلي ونحط فيه بعد كدا الصدور بتاعتنا لحد ما تحمر ونطلعها من الزيت ونحطها ع المنشفة لحد ما تشرب الزيت كله ممكن بدل الزيت للدايت ادهني صنية بحتة زبدة صغيرة ورصيهم فيها وادهني وشهم بالزيت ودخليهم الفرن
ممكن نقدمها كدا
او نقطعها ونقدمها كدا
سهلة جدا ومش بتاخد وقت واولادك هيحبوها جدااااااا
وبألف هنا وشفا يارب 
:
يارب يكون الموضوع عجبكم يا فتوكاتي وما تنسونيش في التقيم ودعوة حلوة كدا زيكم علشان لو ما قيمتوش هعرف ان الموضوع ماعجبكمش ومش هكتب في القسم دا تاني
هتوحشووووني اوووووي
مواضيع هذا القسم برعاية
soso lolo love soso lolo love 681775_29.gif فتكات رائعة Fatakat 681775 في بيت بابا لحد لما يجي حبيبي الي لسا ما شفتهوش واروح اقعد في قلبه ^_^ – Egypt