ازيكم يا فتوكاتي والله وحشتوني
النهارده جايبالكم مكرونه بشاميل بس مختلفه شويه
والله جربوها هاتدعولي
ياللا نبدا
بسم الله
المقادير:
1/2 ك مكرونه اقلام
1/2 ك لبن
1/2 كوبايه دقيق هانزود حسب التظبيط
1/4 كبايه نشا
ملح فلفل ابيض بهارات
طماطمايه
زتون اسود حلقات
جبنه رومي مبشوره
معلقه سمنه
نبدا بالطريقه بقي
اول حاجه هانسلق المكرونه نص سلقه
بعدين هانصفيها ومانغسلهاش عشان ماتفكش فالصينيه
هانبدا بقي فنفس الحله
نحط اللبن عالبارد وعليه الدقيق والنشا والملح والفلفل والبهارات
هانولع النار عالهادي وهانضرب بمضرب الكيكه فاتجاه واحد عشان ماتكلكعش لغايه ماتوصل للسمك ده
بعدين هانجيب نص البشاميل عالنخلطه بالمكرونه كده
هانجيب الصينيه وندهنها سمنه
وهانحط نص المكرونه وعليه حبه جبنه رومي وزتون اسودد
هانحط نص المكرونه التاني وقطع عليه طماطمايه طرنشات كده
بعدين هانحط باقي الجبنه الرومي والزتون كده
انا بقي بحط الكاتشب قبل الفرن وفي ناس مش بتحب كده
وهاندخلها الفرن طبعا ونستناها تحمر
ولما اتقطعت للتعذيب ههههههههه
هاه بقي جربو وقولولي
وبالهنتا والشفا
وماتنسوش التقييم يا حبايبي
بااااااااااااااااااااااااااي
مواضيع هذا القسم برعاية
kattymema kattymema 766547_58.gif سوبر فتكات Fatakat 766547 القاهره – مصر