ازيكم يااحلى بنوتات فى منتدانا الغالى
انهاردة هنفرز بعض خضرواتنا الشتوية قبل ماتخلص
هنفرز الفاصوليا والسبانخ بالصور
نبدا الاول بالفاصوليا
هتجيبى الكمية اللى انتى عايزة تفرزيها مثلا 3 كيلو وهتغسليها وتشيلى اطرافها بالسكينة
انا بقطعها اكتر من حجم يعنى بقطعها نصين او على 3 بالكتير عشان اعمل كيس للكبسة او مع الخضار السوتيه بتكون طويلة زى كدة
والباقى بقطعه صغير زى كلنا مابنعمل بالشكل دة للطبخ
بعد التقطيع بجهز ماية سخنة تغلى على النار واسقط فيها الفاصوليا واقلبها تاخد غلوة وبعدين اصفيها فى ناس بتحب تحطها
فى ماية بتلج عشان لونها لاكن انا مابحبش الحكاية دى عشان سخن وبارد وهتتفرز هتنح فى الطبخ وتغيب فى السوى
ولما تهدا اعبيها فى اكياس واشيلها فى الفريزر لوقت الطبخ اطلعها وهى فى الكيس انزل عليها ماية واصفيها واطبخها
وتعملى احلى فاصوليا سواء طبيخ فى حلة او طاجن وتدخليها الفرن تبقى تحفة زى دى
ودة اللينك بتاعها للى تحب تعملها
https://fatakat.univanet.com/#3607445
نيجى بقى للسبانخ
تجيبى كام ربطة سبانخ مثلا اربعة وكل ربطة تجيبلها ربطة كزبرة خضرة واللى يحب شبت يحط لاكن انا بحب الكزبرة اكتر
انا بالنسبة لى بقطع السبانخ والخضرة عليها يعنى بقطع ربطة ومعاها خضرتها وبعدين اغسلها
وانشلها فى مصفى واكرر الحكاية دى لحد ماالاقى الماية نضيفة زى الفل وماتخافيش دى طريقة صحية جدا لان السبانخ فيها كمية حديد واملاح كتير جدا وبالطريقة دى بتقللى كمية الاملاح اللى فيها يعنى بنحافظ على كليتنا
وعلى مادى تتصفى اكون عملت ربطة سبانخ تانية وعليها خضرتها واشيل اللى نشفت واعبيها فى كيس واغسل اللى بعدها لحد مااخلص كمية السبانخ والخضرة واكيس وعلى الفريزر زى ماهى
وتطلعيها وقت ماتحبى تطبخى وتنزليها على الصلصة على طول هتفك فيها وتاكلى احلى سبانخ صحية
وتطبخى احلى طبق سبانخ سواء بالرز او بالحمص الاتنين روعة
ودة لينك الموضوع للى تحب تعملها
https://fatakat.univanet.com/#3629154
انا كدة خلصت واى سؤال تحت امركم
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر