بصو يا بنات بما انى قعدت 3 شهور ادور والف على الاجهزه لدرجة انن صاحب المحل قالى انتى هيجيلك حاله نفسيه لغاية اما تشترى الاجهزه ههههههههههههه قعدت اسئل فى المزايا والعيوب واعرف منين الحاجه كويسه ولا نص كم
3 اجهزه لازم ناخد بالنا منها هما اهم حاجه فى الجهاز
البوتاجاز والغساله وتلاجه
انا هتكلم عن البوتاجاز
البوتاجاز :كتير هيقولولك يونيفرسال يونيون تك كريازى وانتى محتاره دى تشكر ودى تقول لا مش كويس وانتى هتتجننى طيب انا علشان اقتنع اخد بالى من ايه علشان اكون مرتاحه نفسيا
1_ نمسكه من فوق الى هو شبكة البوتاجاز الى بتطبخى عليها الحديد احسن مليون مره من الزهر لان الزهر لو وقع هيتدشدش
2_اتكى على الاستانلس الى تحت الشبكه كده لو خد واده معاكى يبقى صناعته نص كم لازم لما تتكى يبقى ثابت
3_السطح بتاع البوتاجاز لو ليه حدود ركن يعنى ده هيجمع تحته دهون لا هاتى الاركانه بومبيه ملساء زى رخامة المطبخ كده مش فيه فى الاركان حذ وفيه على الطرف املس هو ده الى اقصد عليه
4_هتتكى على وش البوتاجاز الى موجود فيه زراير البوتاجاز لو اخدت وادت معاكى تبقى مش حلوه لو ثابته تبقى كويسه
5_الزراير بتاعته لازقه على البوتاجاز بحلقه بلاستيك تبقى هتسيح اختاريها تكون الحلقه حواليها استانلس
6_شدى باب البوتاجاز وبصى للجرار بتاعه هل موجود جرار صغير وجرار كبير يعنى جرارين ولا هو جرار واحد الجرارين طبعا احسن
7_فيه صداده استانلس فى منطقة الفرن علشان تحميلك وش البوتاجاز وزرايره من الحراره ولا لا لان زى ما احنا عارفين فى حاجه زى الرز المعمر بتفتحى الباب نص فاتحه وجود الصداده الاستانلس بتبقى عامل زى لوح استانلس كده متسبت فى اول الفرن بتتشال وبتتركب دى بتحى ان الحراره تطلع لفوق وتبوظ الزراير
كده انا تقريبا قولت كل الى اعرفه عن البوتاجاز الى استفادت ياريت تدعيلى دعوه حلوه ان ربنا ييسر لنا امورنا ويريح بالنا
اشوفكم على خير
خطيبة البشمهندس خطيبة البشمهندس فتكات نشيطة Fatakat 555041 طنطا – مصر