السلام عليكم ورحمه الله وبركاته
اليوم عملت القروص لو زي ما تسموها
اولا جبت المقادير
3كوب دقيق +كوب ميه +نص ملعقه صغيره ملح ممكن يحتاج ميه كمان على حسب الدقيق المهم العجينه متلزقش في الطبق
اختياري بقا ودا التكه بتاعتي اللي بتديله طراوه وقيمه غذائيه وكمان ميشربش زيت
(بيضه+نص ملعقه صغيره بيكنج بودر )
الطريقه
بنقطع العجينه 4 كور كله قطعه نفردها بالنشابه لحد ما نرقها خالص خالص وبعدين ندهن وشها سمن بلدي او زبده ونطبق الاطراف زي الصوره كدا
وبعدين نطبق الاركان بالشكل دا
وتتقلي في زيت ساااااااخن بس نهدي النهار لانه بيتحمر بسرعه وتلاحظيه وتقلبيه عالوجه الاخر يتحمر واول ما يطلع وهو سخن ترشيه سكر عالوش وجوه المثلثات لو حابه
انا بعمل شوي من غير سكر لو حابه اكله بالجبنه واللي بالسكر لو حابه اكله بعسل نحل
ويبقا عندك احلى فطار او عشا وبالهنا والشفا ليكوا مواضيع هذا القسم برعاية
ام محمد علي باشا ام محمد علي باشا 136716_22.gif فتكات ست الكل Fatakat 136716 في بيتنا مع الكتكوت النونو اللي في الصولره دا وابوه – ما قولت في بيتنا هنعيده تاني ولا ايه ولا اقوللك ………..مش هقول