بسم الله الرحمن الرحيم
انا جاية النهارده اقولكم علي تجربتي مع اللانشون البيتي اللي قالب المنتدي
واللي ناس جربته وقالت فاشل
وناس تانيه قالت تحفه
انا بقي جايه اقولكم انه فعلااااااااااااااااا تحححححححححححححححفه
انا دلوقتي كنت قاعده عالنت وفاضيه
ومرة واحده خطر علي بالي اجربه وقولت انا ونصيبي بقي
لو طلع حلو يبقي خير وبركه ولو لاقدر الله طلع وحش هبقي اخده واحطه في الفريزر واخد منه قطعه علي الكفته بيبقي حلو اوي لانها حصلت معايا قبل كده
المهم
المقادير
6بيضات
6قطع جبنه نستو
6معالق دقيق
2مكعب ماجي+فلفل اسمر بس اوعي تحطي ملح المرقه والجبنه هيخلوة مظبوط
ربع معلقه روزماري لو عندك
معلقتين صغيرين بابريكا عشان ماكانش عندي اللون
2فص توم مهروس
ربع كوباية زيت
قوالب مدهونه زيت
انا استخدمت الكوبايات الاستانلس
طبعا ممكن تعملي نص الكميه الاول
هتحطي بالترتيب كده في الخلاط وهوشغال او تحطي وتشغلي وتفصلي وكده
البيض والتوابل
الجبنه
مرقه الدجاج اطحنيها الاول
الزيت
التوم
الدقيق
تضربي كويس اوىىىىىىىىىى
وتصبيه في القوالب وتحطي ميه عالنار تغلي وبعد ماتغلي تحطي القوالب ده شكله وهو عالنار
وتغطيه وتوطي النار انا قعد معايا بالظبط نص ساعه واستوي
هتعرفي انه استوي لما تحطي فيه السكينه وتطلع نضيفه(اه ماتمليش القالب اوي لانه بيعلي شويه)
لما يستوي بقي ويبرد تفضيه من القوالب وتقطعيه
وادي كمان صورة عشان خاطركم
وطعمه والله زي اللانشون بتاع برة بالظبط
اللي تجرب تيجي تقولنا تجربتها
ولو عجبكو الموضوع قيموة
في رعاية الله
مواضيع هذا القسم برعاية
القطه المشمشيه86 القطه المشمشيه86 515684_2.gif سوبر فتكات Fatakat 515684 القاهرة – مصر