ازيكم يا فتوكات يا قمرات
النهاردة يا فتوكات كنت عاملة حاجة كلمة تحفة قليلة عليها
والفضل كله للغالية ام سودق اللى عرفتنى الفكرة الجميلة دى
فكرة سندويتش الكفتة غير التقليدى اللى كانت عاملاه
وحتلاقوه فى الرابط ده
https://fatakat.univanet.com/#607594
طبعا فكرة لف العجين على الكفتة دى تحفة
فانا جربتها بس مع السوسيس
مع شوية افكار بقى سندويش جنااااااااان
يالا نبدأ
اول حاجة بجيب السوسيس بحطه فى طاسة مع شوية ميا صغيرين و3 معالق زيت وملح وفلفل
واحطه على النار واسيبه لما يشرب الميا خالص ويتشوح فى الزيت اللى اتبقى
وده شكله لما خلص
وطبعا ممكن بدل كده نسلقه بس انا بحب الطريقة دى علشان يتشوح طعمه بيبقى احلى
حنخلط معلقة كبيرة كاتشاب على معلقة كبيرة مايونيز بالشكل ده
حنحط السوسيس فى السيخ الخشبى
حندهنه كويس اوى بالصوص اللى عملناه
وبعدين نحط عليه جبنة مبشورة حتلزق على الصوص انا استخدمت موتزريلا وشيدر
بعد كده نقطع العجين شرايط بالشكل ده
ونلف الشرايط حولين السوسيس ونحطه على الصاج
ندهن وشه كاتشاب علشان يتحمر من فوق وبيدى طعم تحفة ورشيت سمسم
ونسيبه يخمر لما يتضاعف
وده شكله لما استوى
وده شكله من جوه تخيلوا انتوا بقه الجبنة السايحة مع الصوص والسوسيس كان تحفة
يتبععععععععععععع المشاركة الجاية مواضيع هذا القسم برعاية
۩۞۩ الحمد لله رب العالمين ۩۞۩ ۩۞۩ الحمد لله رب العالمين ۩۞۩ 94824_2.gif سوبر فتكات Fatakat 94824 جدة & المنصورة بلدى حبيبتى – السعوديه دلوقت و مصر فى الاجازة