انا هقولكم علي وصفة سهلة جدا اختصارا للوقت
بدل الموضوع العادي اللي هو البصلة تحمر وبعدين نسيب الطماطم تتسبك
هنعمل حاجة احسن من كده واوفر ف الوقت وكمان احسن ف الطعم
انتي هتعملي البصلة بتاعتك ف السمنة عادي جدا يعني هتقلبيها ف السمنة او الزيت لحد لما تحمر
وبعدين هنحط الرز ايوة الرز مش الطماطم ماهو ده الموضوع الجديد
هنفضل نقلب شوية لحد مانحس ان البصل تاه ف الرز يعني بتاع 3 دقايق كده وبعدين نحط الطماطم بئا
وتفضلي تقلبي تقلبي تقلبي اوعي تسيبيها احسن بتلزق ف الحةل بسرعة
وبعدين هتلاقي الرز شرب الطماطم وبئا لونه احمر جميل خلاص كده اطفي النار وحطي الخضرة بتاعت المحشي اللي هي الشبت والبقدونس وحطي التوابل اللي بتحبيها
بجد الطريقة دي اطعم كتير ومبتاخدش وقت خالص زي تسبيك الطماطم
وبعدين انا مش بخترع دي اختي شافت شيف بيعملها ف التلفزيون ومن ساعتها وهي طريقتنا المعتمدة
جربوها وان شاء الله هتعجبكم مواضيع هذا القسم برعاية
taly taly 665988_7.gif سوبر فتكات Fatakat 665988 الجيزة – مصر
سبحان الله و بحمده