مساء الجمال على كل المزززززززززززززززززززز
بصوا بقه انا هحكى عن تجربتى الفريدة التى حيرت علماء الطب الشعبى فى شارعنا ازاى انا خسيت كل ده
اسمحوالى ارغى شوية اولا انا كنت قبل الجواز طبعا جسمى حلو وجميل بسطبعا بعد الولادات المتكررة باظ عود البان وتحول لشجرة كافور حاولت طبعا انى اخسن بتقليل الاكل بس حب الخطيئة كان اقوى منى قلت اتابع مع دكتور رحت لمصطفى سارى وخسيت وبكميات بس بعد ما تركت الرجيم رجعت طبعا مين يتحمل يعيش ياكل اكل نئ فى نئ والمه ده لحد ما الوزن وصل لارقام عالمية 103 والمهم ربنا هدانى للدكتور محمد الهاشمى رحت له ونظم ليا اكلى والحمد لله دلوقت وصل وزنى لرقم ممتاز 72 كيلو بفضل ربنا والصبر فى مدة 9 شهور انا طبعا اتمنى ان كل اللى بيشتكوا من الوزن الزايد يتخلصوا منه لان حياتى اتغيرت جدا والحمد لله ونفسى افيد كل الناس بالتجربة ديه
اقترح لوحدعايز يدخل معاى فى جروب للتخسيس وافيده وبمعلوماتى البسيطة انا مستعدة بس بشرط الالتزام وانشاء الله هنزل الرجيم بتاع لقيمات لو لقيت مشتركين والسلام عليكم اختكم ام سيف
اعطم رجيم رجيم حبيبنا وتاج راسنا النبى محمد عليه الصلاة والسلام لقيمات
قبل الفطار 2 كوب ماء بعد ربع ساعة 5 حبات سودانى بدون ملح مع عدم شرب ماء بعده لمدة ربع ساعة لانه يؤثر على نقطة فى المعدة المحفزة للجوع
الفطار ربع رغيف باى غموس مفيش ممنوعات يعنى فول طعمية جبنة حلاوة مدلاعاكوا انا صح
بعد ساعتين عندك عدة اختيارات تشربى كوب شاى بلبن اونسكافيه او تاكلى حبة فاكهة اوكوب عصير او ربع رغيف بغموس تانى
بعد ساعتين نكرر نفس الكلام
قبل الغداء 2 كوب ماء 5 حبات سودانى
الغداء عبارة عن مج ونص من اكل البيت اى كان نوعه ويغرف فى اطباق كبيرة لتعويد العين على الكميات الصغيرة
مثال نص مج رز نص مج خضار نص مج لحوم وطبق سلطة
او طبق كشرى متوسط
او كبق عدس ورغيف صغير
او طبق مسقعة ورغيف
او 10 صوابع محشى كرنب او محشة منوع
بعد الغداء تاكلى مكعب شيكولاتة
بعد الغداء بساعتين تاكلى حتة جاتوه او اى حاجة حلوة قد علبة الكبريت
بعد ساعتين تاكلى حبة فاكهة
العشاء خفيف ربع رغيف وغموس
يبقى دلوقت نعد اكلنا 3 وجبات الصبح لحد قبل ميعاد الغداء بساعتين وجبتين بين الغداء والعشاء
تعليماتهامة كيس الشيبى ابو جنيه لقيمتين
اى مشروب بلبن لقيمة قطعة الكيك لقيمة
لك فى اليوم 5 معالق سكر
الشاى والقهوة بدون لبن خارج اللقيمات يلا يابنات عايزة الهمة
كل واحدة تسجل معاى تكتب وزنها الحالى وتقسم قسم الرجيم
اقسم بالله العظيم ان التزم بالرجيم حتى اصبح مززززززززززة المزززززززززززززززز والسلام عليكم
كلام مهم اللى ناوية تلتزم معاى هتقرا التعليمات وتكتب اسمها ووزنها الحالى وحلمها فى الرجيم وتدخل بكرة اخر اليوم تكتب كلت ايه حتى لوحبة لب ولازم طبعا لاتنسى القسم مستياكم امززززززززززززززززز
ما لينا حبايب يابا ما لينا حبايب يابا 732882_1.gif فتكات ست الكل Fatakat 732882 CaIrO – eGyPt