حبيباتى انا حبيت اقول لكم على تجربتى الخاصة
فى الرجيم بدون رياضة و بدون تعب او مجهود
و بدون اى تكلفة او اى علاج للتخسيس
اقسم بالله وزنت نفسى النهاردة لقيت نفسى خسيت 3 كيلو فى 4 ايام
و ابعدى تماما عن الخبز و الحلويات
كل يوم على الريق بشرب كوب ماء دافئ
و عليه نص ليمونة
و بعدها بحوالى ربع ساعة باخد 7 تمرات
و كوب لبن خالى الدسم و بدون سكر
هو دة فطارى كل يوم 7 تمرات و كوب لبن
و الله و الله مش بحس بجوع خالص
نيجى لوجبة الغداء طبق سلطة كبير
و بقطع عليه فراخ او لحمة او سمك
زى ما تحبى لو فراخ تكون مسلوقة او مشوية
و قطعيها على السلطة و اللحمة نفس الشئ
و السمك كمان تقطعيهم على السلطة و تحطى ملعقة خل و ملح
و الله بجد باكلها و بشبع اوى
اما العشاء فنفس وجبة الفطار
7 تمرات و كوب لبن خالى الدسم و بدون سكر
و زى ما اتفقنا نبعد عن الخبز نهائى
انا بقالى 4 ايام مفيش اى لقمة دخلت معدتى
و شرب 2 لتر مية املى زجاجة كوكاكولا 2 لتر
امليها مية و اشربيها طول اليوم
و الحمد لله وزنت نفسى النهاردة انا عندى ميزان فى بيتى لقيت نفسى خسيت 3 كيلو
و ياريت لو عندك فيتامين تاخدى قرص واحد فى اليوم بعد الغداء علشان بشرتنا تبقى نضرة
و متحسيش باى دوخة
و جوزى فرحان بية اوى
و الله العظيم دى تجربتى فى الرجيم
حبيت اقول لكم علشان تستفيدوا
معلش لازم نستحمل شوية علشان نخس بسرعة
اتمنى لكم التوفيق::::
ام يوسف الغالى ام يوسف الغالى 388371_16.gif برنسيسة فتكات Fatakat 388371 الاسكندرية عروس البحر الابيض المتوسط – مصر ام الدنيا و افتخر