السلام عليكم ورحمة الله وبركاته
عاملين إيه يا فتوكات يا قمرات
عندى إقتراح إيه رأيكم نعمل موضوع عن تجارب الرجيم الناجحه يعنى للتشجيع
عندك أختك أمك بنت خالك بنت عمك صحبتك جارتك
المهم أى إنسان عرفتى إنه نجح فى إنقاص وزنه
هاتى القصه كامله ونظام الرجيم اللى إتبعه ومشى عليه علشان كلنا نستفيد
هبدأ أنا بشخصيتين أعرفهم معرفه شخصيه
الاولى أختى فى الله وزنها كان ميه وعشرين كيلوحاولت
تنزل وزنها مرات عديده وكل مره فشلللللللل زريع لغاية ؟
جوزها هددها بالطلاق والهمه جت منين الله أعلم عملت حاجه بسيطه جدا
تفطر كوب حليب خالى الدسم أو زبادى خالى الدسم
الغدا حلة سلطه صينيه تورلى بدون دهون ربع فرخه مسلوقه
بدون جلد
العشا مفيش ولو قرصها الجوع إما ثمرة فاكهه أو زبادى خالى الدسم
أول إسبوع مكنتش بتنام من الجوع
بعد كده خلاص معدتها صغرت وإتعودت على الأكل القليل
المفاجأه فى خلال ثمانية أشهر على نفس النظام
وزنها بقى ثمانيه وخمسون قسم بالله أنا لما شفتها معرفتهاش ورب الكعبه إتبدلت
بس صار عندها ترهلات لأنها نزلت وزن جامد
حل الترهلات أنا شفته فى برنامج أجنبى مع الرجيم لازم رياضة
حمل أثقال والله سمعتها وشفت تجارب بعينى فى القناه دى
بنت خست خمسه وعشرين كيلو وجايه لابسه مايو بكينى
والله جسمها تحفه عملت إتكنز مع رياضة حمل الأثقال
عندى قصه تانيه برضو ا بس أنيم الأولا علشان المدرسه وأرجع لكم يا فتاتيك ويا رب ننحف كلنا نغير شر
هبله طحن هبله طحن 550995_5.gif فتكات حبوبة Fatakat 550995 الاسماعيليه – مصر