فتوكاتى
النهاردة معانا بيتزا وهنعملها بحشوات واشكال مختلفة تناسب كل الأزواق
نبدأ بالعجينه
مكوناتها
دقيق بيتزا
ملعقه سكر وملعقة ملح
خميرة فورية
زبدية كبيرة
ملعقتين سمن
ربع كوب زيت
كوباية ونص مايه سخنه من الحنفيه
ودى الصور
ده دقيق مخصص لعمل البيتزات
((ضرورى الدقيق المخصوص لانى جربت اعملها بدقيق عادى او دقيق المخبوزات طلعت من تحت ناشفة وبتقرمش زى العيش والبسكوت وكمان دقيق الفينو بيلم مع الفرد يعنى مبيتفردش بسهولة))
باقى المكونات
نحط كل المكونات على بعض فى طبق غويط كبير او علبه ليها غطاء زى بتاعت الحلاوة عشان بعد كده نغطيها بعد العجن
هنحط الأول كوباية مايه واحده ونسيب النص لما نحتاجه نحط شوية بشوية علشان العجينه مش تسيح مننا
هنقلبهم بايدينا وبعدين لما تلميهم كلهم سوا
نرش شوية دقيق على الرخامة اللى بتعجنى عليها
وننزل العجينه عليها
واهم حاجه طريقة العجن علشان يتخللها الهواء علشان الخميرة تشتغل
ازاى تعجنيها
هنلم العجينه كلها فى طرف الرخامة وايد على طرفها من نايحتك والايد التانيه بتشد لاودام
وترجعى تلمى لغايه الطرف اللى اودامك وترجعيى تشديها اودام
حتى وانتى شغالة هتسمعى طرقعه الهواء جوه العجينه تعرفى كده انك ماشية صح والهواء بيدخلها
تستمر فى العجن لمده 10 دقايق
والمهم ان العجينه متبقاش صلبة يعنى لو لاقيتيها محتاجه مايه بلى ايدك من الكوباية وانتى بتعجنى
وتفضلى تعجنيها لغايه ما تلاقيها مبقتش تلزق فى ايدك ولا بتلزق فى الرخمة
وكده تبقى العجينه صحت معاكى
ونقفل عليها بالغطاء ونحطها فى مكان دافى لمده لا تقل عن ساعة لغايه لما تحضرى مكوناتك لحشوات
هنحط كل حشوة فى مشاركة واحده
يلا بينا على الحشوات
نيجى لمكونات الواجهة فى كل البيتزات اللى هنعملها
* جبنة رومى مبشورة او مقطعه شرايح
* جبنة شيدر بطعم الفلفل الاخضر
* زيتون مقطع
* طماطم مقطة شرايح
* بيضتين مخفوقتين بفلفل وملح
* الطماطم الكون كاسية( يعنى المسبكة )
وانا هنا ما استخدمتهاش
* استخدمت كاتشب
وكان طعمها تحفة بجد
هتقولولى ليه البيض
هقولكو
* مغذى للأطفال
* بيمسك كل الكونات اللى على الوش مع بعض
* بيدى لون حلو مع باقى الوان الواجهة
البيتزا الأولى
باللحمة المفرومة المعصجة
وهنا انا عصجتها أزاى
لحمة مفرومة
بصلة مقطعه شرايح رقيقة
طماطماية مقطعه مكعبات صغيرة
وكلها على المقلاية التيفال
وملح وفلفل
وقلبتها فى بعضها لغاية لما استوت واستوى البصل والطماطم واصبحو مش باينين فيها
نيجى لطريقة فرد البيتزا
وطبعا قبل ما نبدأ نولع الفرن علشان يسخن
نجيبها على الروخامة ونرش تحتها شوية دقيق علشان متلزقش
الكيلو دقيق انا قطعته 4 بيتزات علشان صنيتى كبيرة
(كل واحده حسب الصنيه اللى بتخبز فيها)
طبعا جبت القطعه الاولى وفردتها بالنشابة وجهزت الصنيه ودهنتها سمنة ورشة دقيق علشان متلزقش وبعدين حطيت العجينة فيها كده والزياده بشيلها بالسكينه وطبعا منرققهاش او تبقى بسمك 2 سم
ودهنتها بالكاتشب
رصيت فى الجناب شرايط رفيعه جبنه شيدر وبرمت الجناب ورصيت اللحمة المفرومة فى النص
وبعدين رصيت فوقيها على طبقات الطماطم والزيتون والرومى المبشور وبعدين بالمعلقه رشيت عليها بيض
ودخلتها الفرن وده شكلها بعد ما خرجتها و قطعتها مثلثات
بالف هنا وشفا
نروح للحشوة التانيه
مواضيع هذا القسم برعاية
ام رؤى حماده اول ديجيهاية حريمى بدمياط ام رؤى حماده اول ديجيهاية حريمى بدمياط 214895_13.gif ملكة فتكات Fatakat 214895 راس البر – دمياط