بسم الله الرحمن الرحيم
السلام عليكم ورحمة الله وبركاته
ردو السلام عشان تاخدو حسنات
كل سنه وانتو طيبين وبخير يا اجمل فتوكات فى العالم ويا رب ربنا يحققلنا جميعا كل ما نتمنى
ويجعل بلدنا مصر بخير ويجمع شملنا ويصلح حالنا وسائر بلاد المسلمين
انهارده بقا جبتلكم افتكاسه من افتكاساتى المفتكسه ههههههههههه
بما انى بحااااااااااااول اعمل دايت وبزهق من الاكل وبحب التجديد فعملت حاجه انما ايييييييييييييه حتعجبكم اوووووى ان شاء الله
بصو بقا يا حبايبى
حشو البيتزا العادى بتاعنا
طماطم – فلفل – زيتون – بسطرمه – جبنه ( ماكانش عندى جبنه فمحطتهاش )
افتكاستى بقا ( توست – بشر قشرة لمونه – 2 بيض )
بصو بقا يا حبايبى انا الزيتون حطاه فى برطمان وعليه زيت فبعد ما قطعت الزيتون حطيته فى الطاسه ودهنت الطاسه بيه عشان ادهن الطاسه بالزيت اللى فيه وشلته
قطعت الطماطم والفلفل والبسطرمه ومعاهم الزيتون المتقطع وكسرت التوست وبشرت قشر الليمونه وخلطتهم مع بعض
وضربت البيض فى طبق تانى ومعاه رشة ملح خفيفه وفلفل وبعدين حطيت البيض على خلطة البيتزا
سخنت الطاسه كويس اوى وحطيت الخليط فيها وفردته بسرعه كويس بالمعلقه واستنيت لما الوش اللى تحت استوى
وبعدين زحلقتها على طبق عشان اعرف اقلبها زى ما بنقلب الكنافه بالزبط
وسبت الوش التانى يستوى وهنا اللى حابب يحط جبنه يحطها على الوش وحتسيح على ما الوش اللى تحت يستوى لان لو حطيناها ف الخلطه من الاول حتخلى البيتزا بتاعتنا تلزق وماتتقلبش
ودى هنا لما استوت بجد طعمها تحففففففففه والسوائل اللى فى الطماطم والفلفل والزيتون خلت التوست بقا طرى وشرب من طعمهم وكانت خفييييييييييفه ولذييييييييييييييذه جدا
اتمنى تجربوها واوعدكم حتعجبكم اوى ان شاء الله
ماتنسوش التقييم يا قمرات
فى رعاية الله
مواضيع هذا القسم برعاية
sparkel sparkel 131471_2.gif فتكات هايلة Fatakat 131471 الاسكندرية – مصر